Mke wa rais wa zamani wa Zambia aachiliwa huru na polisi

Mke wa aliyekuwa Rais wa Zambia Edgar Lungu ameachiliwa kutoka mikononi mwa polisi hadi atakapofikishwa mahakamani.

Esther Lungu, ambaye alikamatwa pamoja na wengine wanne siku ya Jumatano, aliachiliwa jioni pamoja na mshtakiwa mwenzake, kulingana na msemaji wa polisi Danny Mwale.

Wanashtakiwa kwa wizi wa gari na shtaka moja la wizi wa cheti cha umiliki wa mali huko Lusaka.

Pia wanatuhumiwa kumiliki mali inayoaminika kuwa mapato ya uhalifu.

Wote wanakanusha makosa.