Mke wa mwandishi wa habari aliyeuawa Kenya ataka UN ichunguze kifo hicho

Mke wa mwandishi maarufu wa habari za uchunguzi wa Pakistan aliyeuawa nchini Kenya ametoa wito kwa Umoja wa Mataifa kuanzisha uchunguzi huru kuhusu kupigwa risasi kwa mumewe.

Arshad Sharif Oktoba mwaka jana na polisi waliokuwa kwenye kizuizi cha barabarani viungani mwa mji mkuu Nairobi.

Lakini mke wake Javeria Siddique sasa anadai kuwa polisi wa Kenya na Pakistani wametatiza uchunguzi.

Anasema polisi nchini Kenya bado wanamiliki kompyuta ndogo ya Sharif na simu yake ya mkononi, miezi kadhaa baada ya kuzichukua kwa uchunguzi. Amemtaka Katibu Mkuu wa Umoja wa Mataifa Antonio Guterres kuteua mjumbe maalum wa kuongoza uchunguzi huru

Barua hiyo pia imetiwa saini na wabunge na wanasiasa kadhaa wa Pakistani akiwemo Waziri Mkuu wa zamani Imran Khan.

Kabla ya kifo chake, mwanahabari huyo alikuwa akifanya uchunguzi unaoangazia ufisadi miongoni mwa maafisa wakuu wa Pakistan. Alitoroka nchini mwake Agosti mwaka jana baada ya kuripotiwa kupokea vitisho vya kuuawa. Hapo awali alikuwa Uingereza na Dubai kabla ya kusafiri hadi Kenya.