Mkataba wa Sudan wa kurejesha utawala wa kiraia waahirishwa

Viongozi wa Sudan wameahirisha tena kutiwa saini kwa makubaliano ya mwisho ya kuunda tena serikali ya kiraia huku tofauti kati ya makundi ya kijeshi zikizidi kuongezeka.

Mazungumzo yaliendelea usiku kucha huku mazungumzo yakihusu rasimu ya makubaliano ambayo yangetiwa saini siku ya Alhamisi.

Sudan imekuwa katika mzozo wa kisiasa tangu Oktoba 2021, wakati jeshi lilipopindua serikali ya kiraia iliyomwondoa madarakani kiongozi wa muda mrefu Omar al Bashir mwaka wa 2019.

Maandamano makali ya barabarani yalifuata, mamia ya watu waliuawa na wengine wengi kujeruhiwa katika kipindi cha mwaka mmoja uliopita na nusu.

Desemba mwaka jana, wanajeshi walikubaliana juu ya ramani ya kukabidhi madaraka kwa raia.

Lakini mazungumzo hayo yamekwama kutokana na kutoelewana juu ya kuunganishwa kwa jeshi la taifa na vikosi vya kuogofya vya vinavyofahamika kama Rapid Support Forces, vinavyoongozwa na naibu mkuu wa baraza tawala la Sudan Mohamed Hamdan Daglo.

Msemaji wa mazungumzo hayo hata hivyo amesema bado wamedhamiria kufikia muafaka na jeshi.

Pande hizo zinatumai kuwa makubaliano ya mwisho ya amani yatafungua mamilioni ya dola yaliyozuiliwa na Umoja wa Ulaya na Marekani na kusaidia uchumi wa nchi hiyo unaokabiliwa na mdororo.