Mji Mkuu waingia gizani deni la umeme latajwa...

KUTOLIPWA kwa ankara za umeme kwa wakati kumeutumbukiza mji mkuu wa Guinea-Bissau gizani.

Kampuni ya umeme ya Kituruki ya Karpowership inayofanya ugavi wa umeme katika nchi hiyo ya Afrika Magharibi, ‘imechomoa’ betri kwa mji wa Bissau, ikisema kwamba Serikali ya Guinea inadaiwa dola za Marekani milioni 17.

Waziri wa Uchumi, Suleimane Seidi, ameahidi kulipa kiasi kikubwa cha deni hilo ndani ya siku moja hivi.

Karpowership – moja ya kampuni kubwa zaidi za ufuaji na usambazaji umeme – ina mkataba wa maka mitano wa ugavi wa umeme kwa mahitaji ya Guinea-Bissau;

Mwezi uliopita, kampuni hiyo ya Uturuki ilikata umeme kwenye eneo kubwa la mji huo mkuu kwa sababu hizo hizo za deni la ankara za umeme.