Mjerumani aliyetuhumiwa kwa mauaji ya mpenziwe Mkenya apatikana ameaga dunia
- Mwili wa Krabbe Dietter Gunther ulipatikana kwenye ghorofa ya chini ya jengo la orofa tano hadi siku kadhaa baada ya kumuua mpenziwe Cynthia June Akinyi
- Mwili wa Akinyi uliokuwa umefungwa ndani ya shuka ulipatikana mvunguni mwa kitanda katika nyumba waliomokuwa wakiishi Mtomondoni eneo, kaunti ya Kilifi
- Polisi wanaamini jamaa huyo mwenye umri wa miaka 58 alijitoa uhai kwa kujitupa kutoka orofa ya tano
Raia Mjerumani amepatikana akiwa ameaga dunia katika mtaa wa kifahari wa Mtwapa, Kilifi ambapo alikuwa akisakwa na maafisa wa polisi kwa madai ya mauaji ya mpenziwe.
Mwili wa Krabbe Dietter Gunther uligunduliwa kwenye ghorofa ya chini ya jengo la orofa tano huko Kiembeni Jumamosi, Mei 29, kulingana na Kamanda wa Kaunti ya Kilifi Nelson Taliti.
Kulingana na ripoti ya The Nation, polisi jamaa huyo mwenye umri wa miaka 58 alijitoa uhai kwa kujitupa kutoka orofa ya tano.
"Mwanamume huyo alipigana na mwanamke huyo nyumbani kwao Jumatano usiku. Alimuua na kisha kukimbia, " Taliti alisema.
"Mwili wake ulipatikana mwendo wa saa kumi na mbili asubuhi Jumamosi na watu ambao waliwaarifu polisi, "aliongeza.
Taliti alisemai kuwa haikujulikana ikiwa jamaa huyo alikuwa amepanga chumba katika hoteli hiyo kabla ya kujiua.
Alidokeza pia walikuwa bado hawajatambua mtalii huyo alikuwa amekaa nchini wa muda gani.
Cynthia June Akinyi, ambaye alikuwa rafiki wa kike wa Gunther, alipatikana ameaga dunia Alhamisi, Mei 27.
Mwili wa Akinyi mwenye umri wa miaka 34 uliokuwa umefungwa ndani ya shuka ulipatikana mvunguni mwa kitanda katika nyumba waliomokuwa wakiishi Mtomondoni.
Mwili wa Akinyi ulipatikana saa chache baada ya mtuhumiwa kudaiwa kuhepa na mizigo kutoka kwenye nyumba ambayo walikuwa wakiishi pamoja.
Kulingana na majirani, kulikuwa na fujo ndani ya nyumba hiyo Jumatano, Mei 26 usiku.
"Marehemu na mpenziwe waliskuwa wakigombana. Alisikika akipiga mayowe kabla kunyamaza ghafla," jirani mmoja alisimulia.
Kulingana na jirani huyo, Mjerumani huyo hakuwa akiishi nchini ila alikuwa akitalii mara kwa mara.
Read ENGLISH VERSION
Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.