Misri yazindua msikiti mpya uliorejeshwa wa Ottoman

Mwanamke mmoja wa Misri akitazama Msikiti uliorejeshwa wa Sariyat al-Gabal, unaojulikana pia kama Msikiti wa Suleyman Pasha al-Khadim, msikiti wa kwanza wa Ottoman uliojengwa ndani ya Ngome ya Salah al-Din huko Cairo.

Jengo la msikiti  huo lenye ukubwa wa mita za mraba 2,360 liko kwenye eneo la kaburi la enzi ya Fatimid la Sayed Sariya, lililojengwa mwaka  1140 A.D na ambalo bado lipo.

Misri imezindua msikiti mpya uliokarabatiwa wa Ottoman, uliojengwa na gavana wa karne ya 16 Suleyman Pasha al-Khadim, ambao upo ndani ya ngome ambayo iliyoilinda Cairo kwa karne nyingi.

Msikiti huo, wenye vigae 22 vya kijani kibichi kwenye membari iliyopambwa kwa vigae mashuhuri vya Iznik, ni msikiti wa kwanza kabisa wa utawala wa Ottoman wa Cairo, uliojengwa mwaka 1528 A.D miaka kumi na moja baada ya jeshi la Ottoman chini ya Sultan Selim kuikamata Misri kutoka kwa milki ya Mamluk.

Jengo la msikiti huo lenye ukubwa wa mita za mraba 2,360 liko kwenye eneo la kaburi la enzi ya Fatimid la Sayed Sariya, lililojengwa mwaka 1140 A.D na ambalo bado lipo.

Ili kutofautisha misikiti ya Ottoman, mnara kwa kawaida huwa na umbo la penseli, alisema Mostafa Waziri, mkuu wa Baraza Kuu la Mambo ya Kale. Msikiti una sehemu ya kuswalia, eneo la kukaa , makaburi ya Fatimid na Kuttab (shule ya Qur'ani).