Mike Sonko sasa amsifu Uhuru, asema anachapa kazi vilivyo

- Sonko amekuwa akionekana kujaribu kurudisha urafiki kati yake na Rais Kenyatta

- Hutumia ukurasa wake wa Facebook kuchapisha picha za wao wakiwa pamoja awali au kumsifia

- Ujumbe wa hivi karibuni ni wa Sonko akisema Rais ni mchapa kazi kweli kweli na kupakia picha za miradi

Aliyekuwa gavana wa Nairobi Mike Mbuvi Sonko amesema Rais Uhuru Kenyatta amekuwa mchapa kazi vilivyo.

Sonko alisema hayo kupitia ukurasa wake wa Facebook huku akipakia picha za Kenyatta akizindua miradi kadhaa ya maendeleo.

Huku akijua kuwa wafuasi wake watashangazwa na hatua yake ya ghafla kuanza kumsifu Kenyatta, Sonko aliweka tahadhari mapema kwenye ujumbe wake.

"Mzaha na siasa kando, musiseme hii ni kufinywa., hakuna kufinywa nilifinywa. Kusema kweli tu huyu jamaa anachapa kazi," alisema Sonko.

Sonko walikuwa ni marafiki wakubwa wa kisiasa na Rais kabla ya tofauti kuibuka baada ya kuundwa kwa shirika la huduma za jiji NMS.

Alihisi kuwa Rais alikuwa akitumia NMS na mkurugenzi wake Mohamed Badi kummaliza kisiasa na akafika kiwango cha kudinda kutia saini bajeti ya NMS.

Ni hapo ambapo karata ya siasa ilichezwa na wandani wa Rais ili kuhakikisha kuwa anatimuliwa kutoka wadhifa wa gavana wa jiji.

a

MCAs walimtimua na kisha seneti ikaidhinisha kura ya kumuondoa huku wandani wa Rais na wale wa Raila Odinga wakiwa mstari wa mbele kuunga mkono kura hiyo.

Hata hivyo huwa hakuna maadui au marafiki wa kudumu katika siasa na ni wazi kuwa Sonko anaelewa hilo.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.

Tazama habri kemkem za TUKO hapa