Mchungaji aingia kanisani na Silaha nzito

Kiongozi Kanisa la House on the Rock nchini Nigeria, Mchungaji Uche Aigbe, Jumapili alizua tafrani alipopanda katika madhabahu akiwa amebeba bunduki aina ya AK 47.

Tukio hilo lilitokea wakati wa ibada ya pili, ambayo mara nyingi huwa na washiriki wengi wanaotoka sehemu mbalimbali za Jimbo Kuu shirikishi.

Aigbe alieleza kuwa lengo la kubeba silaha hiyo ni kupambana dhidi ya wachungaji waongo na kuilinda mioyo ya waumini wake.