Mbunge wa Gambia awasilisha mswada wa kufuta marufuku ya ukeketaji

Mbunge wa Gambia amewasilisha mswada unaotaka kufuta Sheria ya Wanawake (Marekebisho) ya 2015 ambayo ilipiga marufuku tohara na ukeketaji mwingine.

Mswada huo uliwasilishwa katika bunge la kitaifa ili kusomwa kwa mara ya kwanza Jumatatu (Machi 04).

Tohara inahusisha kukatwa au kubadilishwa kwa viungo vya nje vya uzazi vya mwanamke kwa sababu zisizo za kimatibabu.

Chini ya sheria ya sasa nchini Gambia, mtu anayepatikana na hatia ya kufanya ukeketaji anakabiliwa na kifungo cha hadi miaka mitatu jela, faini ya dalasi 50,000 (£622), au zote mbili, guardian.org iliripoti ambapo ukeketaji unasababisha kifo, mhusika anaweza kukabiliwa na kifungo cha maisha, iliongeza.

Hata hivyo, mfadhili wa mswada huo Almameh Gibba ni miongoni mwa wale nchini ambao wanaamini kwa dhati kwamba ukeketaji sio tu wa kitamaduni bali ni ibada ya kidini pia.

Wakazi wa Gambia wengi wao ni Waislamu.

Suala ni mgawanyiko katika Uislamu.

Baadhi ya wasomi wamepiga marufuku ukeketaji wakati wengine hawafanyi hivyo.