Mbaroni kwa kuiba sanamu ya Farao

Misri inasema watu watatu wanashikiliwa kwa kujaribu kuiba sanamu kubwa ya Farao wa kale kwa kutumia kreni.

Ofisi ya mwendesha mashtaka ilisema kuwa watatu hao walipatikana wakiwa na zana kubwa za kuchimbia na kreni ambayo walijaribu kuitumia kuinua sanamu hiyo yenye uzito wa tani 10 na kuchimba vitu vya kale katika jiji la kale la Aswan.

Sanamu hiyo ni ya Ramses the Great, ambaye alikufa zaidi ya miaka 3,000 iliyopita. Uchunguzi unafanywa kuchunguza zaidi wote walioshiriki.

Katika miaka ya hivi karibuni Misri imeweza kurejesha maelfu ya vitu vya kale vilivyochukuliwa nje ya nchi kinyume cha sheria.