'Mbakaji wa Facebook ' arejeshwa Afrika Kusini baada ya kutoroka gerezani

Mbakaji wa Afrika Kusini na muuaji ambaye alitoroka gereza amesafirishwa kwa ndege hadi katika nchi yake ya asili mapema asubuhi Alhamisi kufuatia kukamatwa kwake nchini Tanzania.

Thabo Bester alitoroka kutoka gerezani mwezi mei mwaka jana kwa kutunga taarifa za kifo chake katika ajaliya moto na kuwekamwili bandia katika cumba chake cha gereza.

Alikamatwa pamoja na mpenzi wake wa kike, ambaye ni daktari maarufu Nandipha Magudumana.

Wawili hao waliwasili kwa ndege katika uwanja wa ndege uliopo viungani mwa mji wa kibiashara wa Johannesburg.

Watawekwa chini ya ulinzi mkali wa polisi, afisa wa ngazi ya juu amemuambia mwandishi wa BBC wa Afrika Kusini Pumza Fihlani.

Mipango inaendelea kwa ajili ya kumrejesha Bw bester katika gereza lenye ulinzi wa hali ya juu ili atumikie kifungo chake cha maisha kwa mauaji, pamoja na maandalizi kwa ajili ya mashitaka mapya pamoja na mpenzi wake kwa kutoroka ggerezani.

Bw Bester anafahamika kama "mbakaji wa Facebook " kwa kutumia mtandao huo wa kijami kuwalaghai wahanga.

Alipatikana na hatia mwaka 2012 kwa kumbaka na kumuua mpenzi wake wa kike aliyekuwa mwanamitindo Nomfundo Tyhulu. Mwaka mmoja kabla ya hapo , alipatikana na hatia ya kuwabaka na kuwaibia wanawake wengine wawili.