Afrika

Habari

Burudani

Michezo

Biashara

Live Radio

Nchi

Kijamii

Lifestyle

SIL

Matokeo ya KCPE Kutangazwa Baada ya Wiki Mbili, Waziri Magoha Asema

Dc3e01980bae9769 Matokeo ya KCPE Kutangazwa Baada ya Wiki Mbili, Waziri Magoha Asema

Tue, 6 Apr 2021 Chanzo: kiswahili.tuko.co.ke

- George Magoha alisema shughuli ya ushahisaji imekamilika

- Zaidi ya watahiniwa milioni moja wa KCPE watajiunga na kidato cha kwanza Julai 2021

- Waziri huyo wa elimu pia aliagiza watahiniwa wote wa KCSE 2020 kuruhusiwa kufanya mtihani licha ya kutokamilisha kulipa karo

Waziri wa Elimu George Magoha amesema matokeo ya Mtihani wa Kitaifa wa Darasa la Nane(KCPE) yatatangazwa katika kipindi cha wiki mbili zijazo.

George Magoha alisema shughuli ya ushahisaji imekamilika huku ikisalia tu karatasi za Insha ya Kiswahili na Kingereza.

Akizungumza Jumanne, Aprili 6, waziri huyo wa elimu pia aliagiza watahiniwa wote wa KCSE 2020 kuruhusiwa kufanya mtihani licha ya kutokamilisha kulipa karo.

Magoha alikuwa anasimamia usambazaji wa karatasi za mitihani ya KCSE siku ya sita.

Wizara ya Elimu ilitangaza kuwa zoezi la kuwateua watahiniwa wa KCPE 2020 kjiunga na Kidato cha Kwanza litaanza Julai 2021.

Zaidi ya watahiniwa milioni moja wa KCPE 2020 waliokamilisha mitihani yao mnamo Jumatano, Machi 24, watajiunga na kidato cha kwanza Julai,16 2021

Akizungumza mjini Nakuru Jumatano, Katibu Mkuu wa Elimu Julius Jwan alisema serikali inalenga 100% ya wanafunzi kujiunga na shule ya sekondari.

Watahiniwa wa KCPE walianza mtihani wao Jumatatu, Machi 22, baada ya ratiba ya masomo kutatizwa na chimbuko la janga la COVID-19.

Katika taarifa tofauti, Magoha alisema japo mtihani wa KCSE umekuwa ukiendelea vyema, kuna karatasi feki ambazo zinasambazwa.

Akizungumza katika Shule ya Upili ya Upper Hill, Alhamisi, Machi 1, Magoha alithibitisha kuwa simu nane zilipokonywa kutoka kwa watahiniwa kote nchini.

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.

Chanzo: kiswahili.tuko.co.ke