Majaji waliokuwa wakisikiliza kesi ya BBI Kenya
Jopo la majaji saba wa Mahakama ya Rufaa walitoa uamuzi wa kihistroria mnamo Ijumaa, Agosti 20 kuhusiana na mchakato wa BBIRais wa mahakama hiyo Daniel Masinga na jaji Patrick Kiage walisema tatizo kubwa la BBI ni wajibu aliotekeleza Rais Uhuru KenyattaPindi tu baada ya uamuzi huo, baadhi ya Wakenya walimiminika mitandaoni kutoa maoni yao Baadhi ya Wakenya walimiminika mitandaoni kutoa maoni yao kuhusiana na uamuzi wa kihistoria wa Mahakama ya Rufaa kuhusiana na mchakato wa maridhiano (BBI).
Jopo la majaji saba wa mahakama hiyo walizima reggae baada ya kukubaliana na uamuzi wa Mahakama ya Juu kuwa sheria haikuzingatiwa katika kuanzisha na kuendesha mchakato huo.
Majaji Daniel Musinga na Patrick Kiage walisema tatizo kubwa la BBI ni wajibu aliotekeleza Rais Uhuru Kenyatta.
"Chini ya katiba yetu, rais hawezi kuanzisha mchakato wa marekebisho ya katiba kupitia kura ya maamuzi. Alikuwa na nia njema lakini haikutekelezwa kwa mujibu wa katiba," alisema jaji Musinga.
Haya ya ni baadhi ya maoni ya Wakenya kuhusiana na swala hilo;
Musinga alisema kuwa Kamati ya Uendeshaji ya BBI haina uwezo wowote wa kisheria wa kufanya marekebisho ya katiba.
Kiage alisema rais ana haki zake lakini hana idhini kikatiba kuanzisha mchakato wa kufanyia katiba marekebisho.
"Wajibu wake ni kutii na kuilinda katiba kwa mujibu wa kiapo alichopokea," jaji Kiage alisema wakati akisoma maamuzi yake.
Kinara wa ODM Raila Odinga alitoa taarifa muda mfupi baada ya uamuzi huo na kusema kwamba siasa za BBI zimefika kikomo kufuatia kauli ya majaji hao.
Kwenye taarifa, Raila alisema wakati sasa umefika kila upande uliohusika kuamua hatua watakayochukua baada ya uamuzi wa Ijumaa Agosti 20.
"Sisi kama tulivyosema hapo awali, tulikuwa tujihusishe kiasi cha haja. Lakini sasa tunahisi kuwa itabidi tuendelee na mengine," Raila alisema.
"Ni wakati tuyaangalie mambo kwa mtazamo mpya na kuanza ajenda ya kuhakikisha mambo yamekuwa sawa nchini. BBI haikuwa suluhu la mwisho ila safari ya kubadili mambo tu. Kwa hakika tutakabili mambo haya ndani ya miezi au miaka ijayo," aliongeza Raila.
