Mahakama Uganda yawaachilia kwa bondi wafuasi wa Bobi Wine

-Washukiwa 18 waliachiliwa Jumanne, Mei 26 kwa bondi ya KSh 600, 000 kila mmoja ilhali maafisa wa NUP walipewa bondi ya KSh 1.5 milion kila mmoja

- Jaji Andrew Gutti alisema hangeweza kuwanyima bondi kwa sababu mwendesha mashtaka wa serikali hakuwa amepinga ombi lao

- Washukiwa hao walikamatwa kwa madai kwamba walikuwa na bunduki kinyume na sheria Januari 2021 katika eneo la Makerere Kavule Kigundu

Mahakama nchini Uganda hatimaye imewachilia wafuasi 18 wa mwanasiasa Bobi Wine baada ya kuzuiliwa kwa miezi mitano.

Kulingana na vyombo vya habari nchini humo, washukiwa hao walikamatwa kwa madai kwamba walikuwa na bunduki kinyume na sheria Januari 2021 katika eneo la Makerere Kavule Kigundu.

Mahakama iliwaachilia washukiwa hao Jumanne, Mei 26 kwa bondi ya KSh 600,000 ilhali maafisa wa National Unity Platform walipewa bondi ya 1.5 milioni na mdhamini wa kiwango hicho.

Akitoa uamuzi wake, Jaji Andrew Gutti alisema hangeweza kuwanyima bondi kwa sababu mwendesha mashtaka wa serikali hakuwa amepinga ombi lao.

Baadhi ya washukiwa walioachiliwa huru ni Robinson Mudde Ntambi, Stanley Kafuko, Ssekiranda Samson aka Giant, Robert Katumba, Faisal Kigongo, Musa Mulimira, Mutumba Sam, Mukasa Hussein and Sunday John Bosco, na wengineo.

Nao Matovu Adam, Charles Mpaga, Najja Sharifa, na Nsubuga Muhammad waliachiliwa kwa ajili ya sababu za kiafya.

Hata hivyo, Gen Gutti amewaamuru washukiwa wasiende mbali na mji wa Kampala na wiliya ya Waksio bila kibali cha mahakama.

Vile vile, washukiwa wameagizwa kufika mahakamani kila baada ya wiki mbili.

Iwapo watakiuka amri hizo, korti itafutilia mbali bondi yao na watarejeshwa jela.

Wakati huo huo, mahakama iliwaamuru washukiwa Edward Ssebufu maarufu Eddie Mutwe, mlinzi wa Bobi na Bukeni Ali, maarufu Nubian Li, warejee kortini Juni 8 ili kusikiza kikao cha ombi lao la dhamana.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.

Tazama habari zaidi kutoka TUKO. co.ke