Magazeti Oktoba 5: Uhuru asema Pandora Papers itasaidia kuaniaka siri chafu

Magazeti ya Jumanne, Oktoba 5, yameipa uzito ufichuzi wa 'Pandora Papers', ripoti ambayo ilihusisha familia ya Rais Uhuru Kenyatta na kampuni 13 zenye thamani ya zaidi ya KSh 3.3 bilioni.

Magazeti haya pia yameripotia kuwa serikali imerefusha amri ya kafyu na masharti mengine ya COVID-19 kwa siku 30.

1. Daily NationUfichuzi wa Pandora Papers, unaowahusisha mabilionea walioficha mali zao ng'ambo umezua mjadala wa mahali matajiri huficha mali zao.

Uhuru, ambaye familia yake imehusishwa na mabilioni ya pesa zilizofichwa katika mabenki za kigeni, alisema Pandora Papers na wakaguzi wengine wa hesabu watasaidia katika kuanika siri chafu za wale ambao hawawezi kuelezea chanzo cha mali zao.

Ripoti hiyo imehusisha familia ya Uhuru na kampuni 13 zinazosemakana kuwa na zaidi ya thamani ya KSh 3.3 bilioni.

Ripoti ya Pandora Papers yenye faili milioni 12 ilifujwa kwa Jumuiya ya Kimataifa ya Wanahabari wa Upelelezi (ICIJ), na kusambazwa kwa zaidi ya wanahabari 6000 na mashirika ya habari kote ulimwenguni.

2. Taifa Leo Waziri wa Afya Mutahi Kagwe, mnamo Jumatatu, Oktoba 4, alisema licha ya idadi ndogo ya maambukizi, bado taifa hili halijitimiza agizo la Shirika la Afya Ulimwenguni.

Kagwe alisema serikali itatumia kipindi hicho cha siku 30 kuhakikisha kuwa Wakenya wengi wanachanjwa ili kufanikisha lengo la kwachanja watu milioni 10 kufikia Disemba.

Zaidi ya watu milioni nne wamechanjwa japo takwimu za hivi punde zaonyesha kuwa ni 3.4% pekee ya jumla ya watu ndio wamechanjwa kikamilifu.

Kagwe alidai kuwa kaunti za maeneo ya Kaskazini Mashariki na magharibi zinavuta mkia katika kupokea chanjo.

3. The Standard Kulingana na The Standard, Mamlaka ya Ukusanyaji Ushuru Nchini (KRA), imefichua imekuwa ikirejesha KSh 100 bilioni kila mwaka kutoka kwa wale wamekuwa wakikwepa kulipa ushuru na wanaodanganya idadi ya mapato yao.

Waziri Msaidizi katika Wizara ya Kitaifa, Nelson Gaichuhie alisema pesa hizo zitawasaidia walipa ushuru kukua.

Alisema KRA ilikuwa inalenga kukusanya jumla ya KSh 3.7 bilioni kutoka kwa ushuru wa bidhaa na tariban KSh 20 bilioni kutoka kwa ushuru wa mapato.

4. People Daily Tume Huru ya Uchaguzi na Mipaka (IEBC) imeiomba serikali kuiongezea pesa za kuandaa Uchaguzi Mkuu wa 2022.

Mwenyekiti wa tume hiyo Wafula Chebukati alisema shughuli hiyo pamoja na zoezi la siku 30 la kusajili wapiga kura kote nchini, zimeathiriwa na bajeti ndogo kutoka kwa Hazina ya Kitaifa.

Alisema kutokana na uhaba wa rasilimali, alisema tume hiyo imefaulu tu kupata mashine 4,350 peke ya usajili ambazo zitatumika katika wadi 1,460 nchini akiongeza kuwa kila wadi itakuwa na mashine tatu.

5. The Star Mwanauchumi David Ndii na wakerektwa wengine wa BBI wana wiki mbili kujibu kesi ya rufaa iliyowasilsihwa na Mwanasheria Mkuu wiki jana.

Katika suala hilo lililotajwa Jumatatu, Oktoba 4, mbele ya Mahakama ya Upeo, Ndii na wenzake walipewa siku 14 kuwasilisha majibu yao.

Mahakama ilitaja tu malalamishi mawili, moja iliyowasilishwa na Mwanasheria Mkuu na nyingine ya Morara Omoke.

Kesi hiyo itatajwa Alhamisi, Oktoba 21, kuthibitisha kuafikia na mahitaji na kupeana maelezo zaidi.