Magazeti Jumatatu, Aprili 19: Mlima Kenya wamupa DP Ruto masharti makali ya 2022
Magazeti ya Jumatatu, Aprili 19, yameangazia siasa za 2022 ambapo wandani wa Naibu Rais William Ruto kutoka Mlima Kenya walifanya mkutano kujadili namna eneo hilo litafaidika kutokana na utawala wa Ruto endapo atachukuwa hatamu za uongozi.
Magazeti haya pia yameangazia masharti ya kafyu yanayoendelea ambayo yalizua hasira Jumamosi, Aprili 17, wakati barabara kuu zilifungwa jijini Nairobi na polisi.
1. Daily Nation Gazeti hili limeripoti kuwa Mbunge wa Mathira, Rigathi Gachagua alifanya mkutano nyumbani kwake mtaani Karen ambao uliwaleta pamoja viongozi wa kutoka Mlima Kenya na Bonde la Ufa kujadili siasa za 2022.
Viongozi hao walikutana kubuni mahitaji yao kisiasa na kiuchumi ambayo wanataka kuafikiana na Ruto kabla ya Uchaguzi Mkuu 2022.
Miongoni mwa matakwa yao ni kumtaka Ruto kumchagua mgombea mwenza kutoka eneo hilo.
Katika hitaji lao kiuchumi,wanasias hao waliwachagua wanachama 11 kuzungumza na Ruto.
"Watu wetu wametuagiza kuzungumza na Ruto kwani wanampendelea kuwania urais.Hata Ruto anajua tumekutana na tutaoa masharti haya kwa niaba ya watu wetu" alisema mbunge Rigathi Gachagua.
2. The People DailyGazeti hili pia limeangazia mkutano wa wanasiasa wa Mlima Kenya kujadili ushirikiano wao na naibu rais.
Ajenda kuu ya mkutano huo ni kugawana nyadhifa za kisiasa na kufufua uchumi wa Mlima Kenya endapo Ruto atakuwa rais..
Wabunge hao wanamtaka Ruto kuwafichulia mipango yake kwa eneo hilo kiuchumi na wadhifa ambao atatengea eneo hilo.
Wabunge waliohudhuria mkutano huo ni Kimani Ichung'wa (Kikuyu), Alice Wahome (Kandara), Rigathi Gachaua (Mathira), Kimani Ngunjiri (Bahati) na maseneta Susan Kihika (Nakuru) na mwenzake wa Meru Mithika Linturi miongoni mwa viongozi wengine.
3. The Star Gazeti hili limeripotia kuhusu serikali ya Rais Uhuru Kenyatta kutozingatia sheria za ununuzi katika idara za serikali.
Ripoti ya Idara ya ununuzi wa mali ya serikali (PPRA) imeonyehsa kuwa mashirika kadhaa yanakiuka sheria za ununuzi.
Idara hizo zinadaiwa kushindwa kuripotia kufutwa kwa ununuzi chini ya siku 14.
Pia zinatakiwa kuripoti kutolewa kwa zabuni na kutumia njia mbadala kabla ya kutumia mfumo wa moja kwa moja wa ununuzi.
4. The Standard Walimu pamoja na wafanyakazi wengine wa serikali wametishia kugoma kufuatia hatua ya Wizara ya Fedha kushikilia KSh 83 bilioni ya nyongeza za mishahara.
Kupitia vyama vyao, wafanyakazi wa serikali wametishia kugoma endapo suala hilo halitatatuliwa haraka.
Licha ya makubaliano ya pamoja (CBA), Hazina ya Kitaifa imepuuza maafikiano yao.
Waziri Ukur Yattani amesema kuchelewa huko ni kutokana na bajeti a Uchaguzi Mkuu ujao na athari za janga la COVID0-19.
5. Taifa Leo Gazeti hili limeguzia kisanga kilichoshuhudiwa kwenye barabara za Nairobi Jumamosi, Aprili 17, wakati polisi walikuwa wanatekeleza kafyu ya saa mbili usiku hadi saa kumi asubuhi.
Polisi walifunga barabara kuu jijini humo ikiwemo Thika Road, Lang'ata Road, Waiyaki Way na Ngong Road.
Wakazi wanaotumia barabara hizo walilalamika baada ya kulazimishwa na polisi kulala barabarani.
Walidaiwa kukiuka sheria baada ya kuopatikana nje saa za kafyu.
READ ENGLISH VERSION
Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.