Magazeti Jumanne, Oktoba 26: Ruto awataka Wakamba kusahau Raila na kuingia UDA
Magazeti ya Jumanne, Oktoba 26, yamewaangazia wanasiasa wakuu ambao wamepotoweka kwenye macho ya umma katika hatua inayolenga kuwapa nafasi kufanya mashauriano kuelekea Uchaguzi Mkuu wa 2022.
Magazeti haya pia yanaripotia kuwa kundi la mabwenyenye kutoka ngome ya Rais Uhuru Kenyatta ya Mlima Kenya linapanga mkutano wa kumuidhinisha mgombeji wao wa urais 2022 katikati ya Novemba.
1. The Standard Huku ulingo wa siasa nchini ukiendelea kupamba moto kuelekea Uchaguzi Mkuu wa 2022, wandani wakuu wa Naibu Rais William Ruto na Raila Odinga wameingia chini ya maji.
Katika kila kampeni wakuu hao huropokwa maneno ambayo viongozi wao hawawezi kutoa hadharani.
Wale ambao wametoweka kwenye macho ya umma ni ikiwemo washirika wakuu wa Ruto, maseneta Susan Kihika (Nakuru), Kipchumba Murkomen (Elgeyo Marakwet), Irungu Kang'ata (Murang'a), miongoni mwa wengine.
Katika kambi ya Raila, mwenyekiti wa Cham cha Orange Democratic Movement (ODM) John Mbadi na Millie Odhiambo (Suba Kaskazini).
2. The StarKulingana na gazeti hili, kundi la matajiri tajika kupitia Wakfu wa Mt Kenya (MKF) linatazamiwa kumtangaza mgombeaji wao wa urais wanaompendelea.
MKF, ambao huchochewa kisiasa kwa kufadhili kampeni za urais, watafanya mkutano kwa jina Limuru Three mwezi ujao.
Tangazo lao huenda ndio litaamua siasa za urithi za mwaka 2022.
Mkutano wa MKF utawajumuisha wabunge, magavana, maseneta, madiwani, wagombeaji, viongozi wa kidini, wanabiashara na wajumbe kutoka jamii za Gikuyu, Meru na Embu.
3. People Daily Siku ya Jumatatu, Oktoba 25, Mahakama Kuu ilisitisha hafla ya kumuapisha naibu gavana wa Nairobi, Anne Kananu kama mrithi wa Mike Sonko.
Katika uamuzi uliotolea na Jaji Ibrahim Mohammed, korti ilizuia serikali kumapisha Kananu kama gavana wa Nairobi kwa siku 14 hadi kesi iliyowasilishwa na Sonko itakapoamuliwa.
Mohammed, ambaye alisema suala la Sonko ni la dharura, aliagiza kesi hiyo iwasilishwe kwa Jaji Mkuu Martha Koome ili kubuni jopo la majaji wa Mahakama ya Upeo kusikiliza ombi la vyama.
Ijumaa iliyopita, jopo la majaji, Wanjiru Karanja, Jessie Lessit na Jamila Mohammed lilikataa kutoa amri ya kuzuia Serikali kumuapisha Kananu wakisema ombi la Sonko halina mashiko.
4. Daily Nation Katika gazeti hili, Ruto ameomba jamii ya Kamba kujiepesha na kuunga mkono Raila kuwania urais.
Jumatatu, Oktoba 25, Ruto alipeleka kampeni zake katika kaunti ya Makueni.
Makueni walimpigia Raila kura nyingi katika chaguzi za 2013 na 2017.
Ruto aliomba jamii ya Kamba kujiunga na chama cha United Democratic Alliance (UDA).
5. Taifa Leo Gavana wa Mombasa Ali Hassan Joho alisema zabuni ambayo ilipewa kampuni inayohusiana na familia yake haikuchochewa kisiasa.
Kampuni hiyo ya kibinafsi ya Autoports Freight Terminals Ltd, ilipewa zabuni ya kusimamai kituo cha mizigo inayowasili Nairobi kwa treni kupitia SGR.
Lakini Joho ametetea familia yake, akishikilia kuwa biashara hiyo haikuchochewa kisiasa.