Magazeti Jumanne, Juni 15: Uhuru kumuunga mkono mmoja wa vinara wa NASA 2022
Magazeti ya Jumanne, Juni 15, yameripotia kuhusu ghadhabu miongoni mwa wanasiasa baada ya Tume Huru ya Uchaguzi na Mipaka (IEBC) kutangaza kuwa yeyote anayetaka kuwania kiti chochote katika chaguzi za Agosti 2020 lazima awe na shahada.
Taarifa nyingine yenye uzito ni kuhusu kifo cha bilionea mashuhuri Chris Kirubi ambaye alifariki Jumatatu, Juni 14, katika makazi yake ya Nairobi akiwa na umri wa miaka 80 baada ya kuugua saratani kwa muda mrefu.
1. People DailyGazeti hili linaripoti kuwa mwenyekiti wa IEBC Wafula Chebukati amewakumbusha wanaopania kuwania viti vyovyote vya kisiasa kuwa Sheria kuhusu Chaguzi sehemu ya 22 inasema ni lazima wagombeaji wawe na shahada kutoka kwa vyuo vikuu tajika ili kuwania viti katika chaguzi za 2022.
Kulingana na gazeti hili, kipengee hicho kinasema kuwa mgombea wa ubunge anaweza kuteuliwa kuwania uchaguzi endapo ana shahada kutoka chuo kikuu kinachotambulika Kenya.
Wanaowania udiwani pia wanatakiwa kuwa na shahada kutoka kwa chuo kikuu tajika nchini.
Chebukati alielezea kuwa tume yake inabuni Mkataba wa Makubaliano na Mamlaka ya Kitaifa ya Kuainisha Kufuzu kwa Asasi za Elimu ya Juu(KNQA) na Tume ya Elimu ya juu (CUE) kukagua shahada ambazo wagombeaji watawasilisha.
Lakini muungano wa mabunge ya kaunti (CAF) umeapa kufika kortini kukosoa sheria hiyo ukisema ni kinyume cha katiba.
2. The Star Kulingana na The Star, Rais Uhuru Kenyatta ametangaza kuwa atamchagua mrithi wake wa mwaka 2022 miongoni mwa vinara wa NASA endapo watakubaliana kumteua mgombea mmoja.
Tangazo hilo ni pigo kwa Naibu Rais William Ruto anayepania kumrithi Uhuru.
Kwa mara ya kwanza, Uhuru aliwataka vinara wa NASA kuungana pamoja ili kuhimarisha nafasi yao ya kubuni serikali mpya baada ya kukamilika kwa muhula wake 2022.
Uhuru na Ruto wamekuwa na vita baridi wakati wa muhula wao wa pili mamlakani huku kiongozi wa taifa akionyesha ishara za kuvunjika kwa ndoa yao kisiasa.
3. The Standard Gazeti hili limeangazia hatua za mwisho za mwanabiashara mashuhuri Chris Kirubi.
Kulingana na The Standard, wengi walikuwa wanamtambua marehemu kama mtu tajiri lakini mwenye kiburi.
Gazeti hili limeripotia kuwa Kirubi alikuwa anapenda kumiliki vitu vya thamani maishani ikiwemo magari, suti na marashi.
Lakini alifariki akiwa mpweke Jumatatu, Juni 14.
Alimalizwa na saratani nyumbani kwake ambapo alikuwa amejitengenezea chumba cha wagonjwa mahututi na kuzingiriwa na kikosi cha matabibu.
4. Daily Nation Gazeti hili linaripotia kuhusu kifo cha Kirubi ambaye anajiunga na orodha ya watu mashuhuri waliomalizwa na ugonjwa wa saratani ikiwemo aliyekuwa Afisa Mkuu Mtendaji wa Safaricom Bob Collymore, mbunge wa Kibra Ken Okoth na gavana wa Bomet Joyce Laboso.
Daily Nation linaripoti kuwa Kirubi alikuwa amejipatia umaarufu ya kuwa mjasiriamali katika sekta ya habari, utengenezaji na kilimo biashara.
Licha ya kufaulu kwake, Kirubi amekuwa akijapata taabani kufuatia kuporomoka kwa duka la Uchumi.
Gazeti hili pia limeguzia kifo cha aliyekuwa mbunge wa Gem, Jakoyo Midiwo.
Midiwo aliyezaliwa mwaka 1966, alikuwa binamu wa kiongozi wa ODM Raila na Oburu Odinga.
5. Taifa Leo Gazeti hili limeripotia kuhusu ziara ya Uhuru eneo la Ukambani baadaye mwezi huu.
Hii ni baada ya kiongozi wa taifa kukutana na wajumbe kutaka kaunt za Kitui, Machakos na Makueni kuzungumzia maendeleo eneo hilo.
Uhuru atatembelea eneo hilo kati ya Juni 28 na Juni 29.
Viongozi hao walishikilia kuwa eneo la Ukambani linaunga mkono Ajenda Kuu Nne ya maendeleo.
READ ENGLISH VERSION
Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.