Afrika

Habari

Burudani

Michezo

Biashara

Live Radio

Nchi

Kijamii

Lifestyle

SIL

Magazeti Alhamisi, Juni 24: Raila Junior achemka kugundua ni mwanachama wa ANC

08c163765f9f6243 Magazeti Alhamisi, Juni 24: Raila Junior achemka kugundua ni mwanachama wa ANC

Thu, 24 Jun 2021 Chanzo: kiswahili.tuko.co.ke

Magazeti ya Alhamisi, Juni 24, yameripotia kuhusu pigo kubwa kwa Rais Uhuru Kenyatta baada ya Mwakilishi wa Wanawake Kiambu Gathoni wa Muchomba kujiunga na mrengo wa Naibu Rais William Ruto, Tanga Tanga.

Magazeti haya pia yameguzia mashindano ya Mbio za Magari Duniani (WRC) Safari rally yatakayoandaliwa Naivasha.

1. Daily Nation Gazeti hli linaripoti kuwa Wizara ya Elimu inahimarisha miundombinu katika baadi ya shule za msingi ili ziwe na madarasa ya Sekondari ya Chini (JSS) chini ya mfumo mpya wa Elimu ya Umilisi (CBC).

Shule za msingi zenye vifaa vya kutosha vitapandishwa hadhi kuwa na madarasa ya JSS.

Waziri wa Elimu George Magoha pia aliongezea kuwa shule ambazo zina wanafunzi wachache zitaunganishwa na moja yao kuboreshwa.

Hii ina maana kuwa baadhi ya shule zitakuwa pamoja na madarasa ya JSS na ya Gredi ya 7,8 na 9.

2. The Standard Gazeti hili linaripoti kuwa mwanawe kinara wa Upinzani Raila Odinga, Raila Odinga Junior, ameshambulia Ofisi ya Msajili wa Vyama (ORPP) kuhusu uanachama wa vyama vya kisiasa.

Katika barua iliyoandikwa Juni 21, na kutumwa kwa Msajili wa Vyama Anne Nderitu, Raila Junior anataka kuondolewa kwenye orodha ya wanachama wa Amani National Congress (ANC).

Alimupa Nderitu makataa ya saa 24 kufanya marekebisho hayo akishikilia kuwa yeye ni mwanachama wa ODM na anataka kutambuliwa hivyo.

Siku ya Jumamosi, Juni 19, Junior kupitia Twitter alilalamika baada ya maelezo yake kwenye eCitizen kuonyesha kuwa ni mwanachama wa chama hicho kinachoongozwa na Musalia Mudavadi.

3. The Star Ndoto ya Rais Uhuru Kenyatta kujijengea jina kupitia Ajenda Kuu Nne ya maendeleo haitatimia wakati wa utawala wake, wanadai wataalam wa bajeti bungeni.

Ofisi ya Bajeti ya Bunge ilisema hii ni kutokana na kukosekana kwa pesa za kufadhili mradi huo, deni kubwa na changamoto za COVID-19.

Wataalam hao waliongezea kuwa mradi huo ni ghali kuliko bajeti licha ya kutengewa KSh 135 bilioni wakati wa mwaka wa kifedha.

Walitaja juhudi ambazo zimepigwa kufanikisha mradi huo uliokuwa unelenga kuhimarisha viwanda, chakula, afya na nyumba.

4. People Daily Katika gazeti hili, Hazina ya Kitaifa siku ya Jumatano, Juni 23, iliashiria kuwa Kenya inatarajia kupokea KSh 44.1 bilioni za kufadhili bajeti ya KSh 3.6 trilioni.

Wizara huyo ilisema mkopo wake wa kwanza wa chini ya muafaka wa miezi 38 kutoka Shirika la Fedha Duniani (IMF) unakaribia kufaulu.

Mkopo huo ni kufuatia kuongezwa kwa muda wa miaka mitatu unusu ulioafikiwa na shirika la Bretton Wood kulinda taifa.

5. Taifa Leo Gazeti hili linaripoti kuwa chama cha ODM kimeunga mkono pendekezo la kuwataka wagombea wa udiwani wa ubunge kuwa na shahada ya digrii.

Mwenyekiti wa chama hicho John Mbadi alisema kuwa chama hicho hakitaruhusu yeyote kuwania bila kuwa na digrii ya Chuo Kikuu.

Seneta wa Elgeyo Marakwet Kipchumba Murkomen ambaye alipinga pendekezo hilo alitaka Sehemu ya 22 ya katiba ya 2011 kuhusu Uchaguzi ifanyiwe marekebisho.

Hoja ya Murkomen iliwaislishwa Seneti Alhamisi, Juni 17.

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 073248269.

Tazama Video Kemkem za Kusisimua Kutoka hapa TUKO.co.ke

Chanzo: kiswahili.tuko.co.ke