Raila akutana na wajumbe wa Rais wa Dubai
Siasa za uchaguzi wa urais 2022 zinaendelea kushamiri huku ikiarifiwa kinara wa ODM Raila Odinga alisafiri Dubai kupanga kadi zake.
Kuna taarifa pia kuhusu migomo ambayo imekuwa ikishuhudiwa shuleni huku Wizara ya Elimu ikilazimika kuwapa wanafunzi muda wa kuenda mapumziko nyumbani.
1. Standard
Gazeti la Standard linasema wandani wa Rais Uhuru Kenyatta wanapendekeza Peter Kenneth awe mgombea mwenza wa Raila Odinga 2022.
Gazeti hilo linasema hilo limeafikiwa wakati wa kikao kati ya wandani hao na Raila Odinga nchini Dubai alipokuwa amefika kwa kikao cha faragha.
Inaarifiwa wandani wa Rais walimshauri Raila kuwa na mgombea mwenza kutoka Mt Kenya ili iwe rahisi kwake kuukwea Mlima.
Kuna taarifa pia kuhusu pendekezo la maseneta kuwe na sheria ya kuzuia Wakenya kusafiri mpaka nchini Saudi Arabia kufanya kazi.
Hii ni kutokana na visa vingi vya Wakenya kuteseka nchini humu ambavyo vimekuwa vikijiri.
2. People Daily
Gazeti hili limezamia migomo inayoshuhudiwa shule na sasa wizara ya Elimu imeamua wanafunzi waende nyumbani kuanzia Novemba 19 hadi 23 kama njia moja ya kujaribu kutafuta suluhu ya migomo hiyo.
Serikali ilikuwa imeondoa likizo hiyo ya mid term lakini Jumanne Novemba 2 wakapiga abautani.
Hilo linajiri baada ya shule 15 kufungwa baada ya visa vya vurugu na kuchoma madarasa katika kuishinikiza serikali kuruhusu likizo hiyo.
3. The Star
Kuna taarifa kuhusu mwanajeshi wa Uingereza aliyefutwa kazi kwa kuinua nguo ya kipusa katika duka moja.
Inaarifiwa kisa hicho kilifanyika katika duka moja mjini Nanyuki na ilikuwa ni fedheha kwa mwathiriwa na hivyo mwanajeshi huyo akafutwa kazi.
Kuna taarifa pia kuhusu ziara ya DP Ruto katika kaunti ya Kiambu Jumatano Novemba 3 ikiwa ni siku chache tu baada ya Rais Uhuru Kenyatta kuonekana kutoa matamshi ya kumlenga.
Akiongea Oktoba 29 katika eneo la Ruiru, Rais aliwataka Wakenya wasichague 'mwizi' matamshi yamewakera wandani wa DP.
4. Nation
Nation inaangazia faida au hasara kisiasa kwa naibu rais William Ruto akaimua kukigura chama cha Jubilee kabisa.
Ruto amekuwa akijenga nyumba ya UDA baada ya masaibu ndani ya Jubilee baada ya tofauti kuibuka kati ya Rais na DP.