M23 wafanya mauaji mengine DRC

TAKRIBANI watu saba wameuawa katika majibizano ya risasi na waasi wa M23 huko Kivu Kaskazini, Mashariki mwa DR Congo.

Mazingira yalizungukwa na ufyatuaji risasi huo, ambao ulifanyika katika eneo la Nyiragongo, katika kambi ya watu waliokimbia makazi yao Kaskazini mwa mji Mkuu wa Mkoa wa Goma.

Kulingana na msimamizi wa polisi wa eneo hilo, Kanali Patrick Iduma, wanamgambo "wa kiasili" walifyatua risasi "kuwatia hofu watu waliokimbia makazi yao waliokuwa wakimiliki viwanja vyao".

Kulingana na rais wa jumuiya ya kiraia ya eneo hilo wahalifu "walikuwa wamevalia sare mpya za askari. Aliongeza kuwa waliofariki ni pamoja na raia waliokuwa kwenye baa.