M23 ngoma bado mbichi

Hii ni kulingana na uchunguzi wa awali wa mauaji hayo ambayo yamethibitishwa na ujumbe wa Umoja wa Mataifa nchini humo.

Serikali ya DRC imesema takriban watu 300, karibu wote raia, walikufa katika mauaji katika jimbo la Kivu Kaskazini Novemba 29-30, 2022.

Pamoja na hayo kutokea kundi hilo la M23 limekanusha kuhusika huku likilaumu "risasi zilizopotea" zimesababisha vifo vya raia wanane pekee.

Lakini katika taarifa iliyotolewa usiku wa kuamkia Jumatano, ujumbe wa Umoja wa Mataifa wa kulinda amani wa Monusco ulisema wachunguzi waligundua watu 131 wamekufa, ambapo waliuawa kama sehemu ya kulipiza kisasi dhidi ya raia.

Mgogoro wa M23 umesababisha kuongezeka kwa mvutano kati ya DRC na nchi jirani ya Rwanda, ambayo Kinshasa inaituhumu kuunga mkono kundi hilo.

Rwanda inakanusha kutoa msaada wowote na kwa upande wake inashutumu DRC kwa kushirikiana na moja ya makundi hayo, ilisema ni Democratic Forces for the Liberation of Rwanda (FDLR) kundi la zamani la waasi wa Kihutu wa Rwanda lililoanzishwa nchini DRC baada ya mauaji ya kimbari ya jamii ya Watutsi mwaka 1994.

Licha ya msuguano huo, nchi hizo mbili mwezi uliopita zilikubaliana usitishaji vita katika eneo hilo, uliopangwa kuanza kutekelezwa Novemba 25 na kufuatiwa na msuguano wa M23 siku mbili baadaye, jambo ambalo halikufanyika.

Usuluhishi huo ulihusu vikosi vya serikali na M23, sio kwa vikundi vya wenyeji vyenye silaha, ambavyo baadhi yao vimekuwa vikipambana na waasi.

Moja ya makundi yaliyotajwa kwenye ripoti ya Umoja wa Mataifa ni FDLR.

Siku ya Jumanne M23 ilisema itadumisha usitishaji mapigano ingawa haikuwakilishwa katika mazungumzo ya amani, yaliyofanyika katika mji mkuu wa Angola wa Luanda, pia ilisema ilikuwa tayari kuanza kujiondoa.