Kimeumana! Ucheshi wa DP Ruto wakati wa maombi ya kitaifa

- Ruto alisema Spika Muturi sasa ameiva kuwa msemaji baada ya kuwa spika kwa muda

- Alimtania Raila kuwa alizungumzia maandiko matakatifu ambalo si kawaida

- DP aliwakumbusha wageni pia kuwa msichana wake June Ruto alipata mchumba wa kigeni

Naibu Rais William Ruto Alhamisi Mei 27 aliwachangamasha wagenio waliohudhuria hafla ya maombi kwa taifa.

Ingawa alionekana mpole mbele ya mdosi wake, Rais Uhuru Kenyatta, Ruto alitumia ulimi wake kuwavunja mbavu waliokuwepo.

Aidha, hakukosa pia kumtania hasimu wake mkuu kisiasa Raila Odinga na wimbo wake wa safari ya Kanani.

Alianza kwa kumnukuu afisa aliyekuwa maarufu kwa msemo 'Sema Kimeumana' akisema iwapo afisa huyo angewaambia hivyo, basi wangekubali na wote serikalini kusema 'Kimeumana'.

Alimwambia wageni kuwa baadhi ya mambo ambayo yamefanyika wakati wa kipindi hiki cha coronavirus ni mengi na kuna mazuri pia.

"Tumepata Jaji Mkuu wa kwanza wa kike pamoja na Spika wa bunge Justin Muturi kutawazwa kuwa msemaji wa Mt Kenya. Nafikiri amekuwa spika kwa kipindi kirefu na ni wakati sasa awe msemaji," alisema DP.

Ni maneno ambayo yalimuacha Spika Muturi pamoja na wageni wengine waliokuwepo wakivunja mbavu.

Aliwakumbusha wageni pia kuwa mwanawe June Ruto alipata mchumba wa kimataifa na anafunga ndoa.

"Msichana wangu hufanya kazi katika wizara ya masuala ya kigeni na kwa hivyo alipata mchumba wa kigeni," aliwaambia wageni.

Alikuwa akisimulia kuhusu wageni waliofika kwake na wakati wa mazungumzo wakaelezea umuhimu wa watu kuishi kwa pamoja.

Alichukua nafasi hiyo pia kumtupia vijembe kinara wa ODM Raila Odinga akisema wakati wa hafla ya maombi iliyoandaliwa 2019 alizungumzia maandiko kwenye kitabu kitakati 'ambalo si jambo la kawaida kwake'.

Akisimuliwa kuhusu wageni wake, alisema walikuwa wamezungumzia kuhusu harusi iliyofanyika Kanani.

"Lakini si ile Kanani ambayo tumezoea huku," alisema ikiwa ni vijembe kwa Raila na masimulizi yake kisiasa kuhusu kuingia Kanani

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.

Tazama habari kemkem za TUKO.co.ke