Kifo kinachoshukiwa kuwa cha Ebola kimeripotiwa Sudan Kusini
Mamlaka ya afya ya Sudan Kusini jana ilitangaza kifo cha mshukiwa wa Ebola, tovuti ya Eye Radio inayomilikiwa na kibinafsi iliripoti.
Wizara ya afya ilisema kuwa marehemu alikuwa miongoni mwa wagonjwa watano ambao sampuli zao zilikuwa zikifanyiwa uchunguzi wa Ebola. "Kisa kibaya kiligunduliwa katika Kaunti ya Kajokeji mnamo 30 Septemba" baada ya mwathiriwa "kujidhihirisha na homa kali, kutapika damu na kutokwa na damu puani kabla ya kushindwa na dalili".
Wagonjwa wengine wanne wanaoshukiwa kuwa na Ebola huko Yei, Nimule, Yambio na Kajojeki walikuwa katika hali shwari katika vituo vya kutengwa, Eye Radio iliripoti. Sudan Kusini imekuwa ikichunguza visa vinavyoshukiwa kuwa vya Ebola katika mikoa inayopakana na Uganda na DR Congo.
Pia imeimarisha udhibiti wa mpaka na Uganda, ambayo hadi sasa imerekodi vifo saba vya Ebola.
Nchi za Afrika Mashariki zimeongeza ufuatiliaji katika vituo vyao vya kuingia tangu Uganda ilipothibitisha mlipuko wake wa hivi punde wa ugonjwa wa Ebola tarehe 20 Septemba.