Kenya yarekodi visa 501 zaidi vya COVID-19, idadi ya maambukizi yafikia 242,284
Wizara ya Afya imetangaza visa vingine 501 vya maambukizi ya virusi vya ugonjwa wa corona kutokana na sampo 6,879 zilizofanyiwa vipimo chini ya saa 24 zilizopita.
Visa vingine 501 vimetangazwa vya maambukizi ya virusi vya ugonjwa wa corona kutokana na sampo 6,879 Watu wengine 34 wamepoteza maisha yao kutokana na ugonjwa huu na kupelekea idadi ya vifo nchini kufikia 4,864.
Kwa sasa wagonjwa 1,752 wamelazwa katika hospitali mbali mbali nchini ilhali 4,864 wako chini ya mpango wa utunzi wa nyumbani.
Kwa mujibu wa takwimu za wizara hiyo, jumla ya idadi ya maambukizi nchini imefikia 242,284 na sampo zilizopimwa zikiwa 2,436,216.
Kiwango cha maambukizi kimefikia asilimia 7.3%.
Kutokana na idadi ya visa vilivyoripotiwa, 487 ni Wakenya ilhali 14 ni raia wa nchi za kigeni, 282 walikuwa wanawake na 219 ni wanaume. Mgonjwa mdogo ana umri wa miezi miwili na mkubwa miaka 102.
Kaunti ya Nairobi inaongoza kwa idadi ya maambukizi ikiwa na visa 137 ikifuatwa na kaunti ya Uasin Gishu 55, Nakuru 38, Kiambu 26, Murang’a 25, Kitui 24, Kajiado 18, Marsabit 15, Baringo 12, Garissa 12, Nyamira 12, Machakos 12, Kericho 11, Isiolo 11, Trans Nzoia 9, Laikipia 9, Vihiga 8, Homa Bay 6, Kakamega 6, Kwale 6, Narok 6, Meru 5, Tana River 5, Tharaka Nithi 4, Nyandarua 3, Nyeri 3, Mombasa 3, Elgeyo Marakwet 3, Kilifi 2, Kisii 2, Kisumu 2, Lamu 2, Embu 2, West Pokot 2, Nandi 2, Bomet 2 na Busia 1.
Kwa sasa wagonjwa 1,752 wamelazwa katika hospitali mbali mbali nchini ilhali 4,864 wako chini ya mpango wa utunzi wa nyumbani.
Wagonjwa wengine 163 wamelazwa ICU, 117 wamewekwa kwenye ventileta na 40 kwenye oksijeni na sita wanakaguliwa.
Aidha, Wagonjwa wengine 312 wamepona kutokana na ugonjwa huo , 190 walikuwa wamelazwa hospitalini na 122 walikuwa chini ya mpango wa utunzi wa nyumbani.
Kwa jumla wagonjwa waliopona kwa sasa ni 230,407.
Watu wengine 34 wamepoteza maisha yao kutokana na ugonjwa huu na kupelekea idadi ya vifo nchini kufikia 4,864.
Wizara ya afya pia imethibitisha kwamba watu 2,980,929 wamepokea chanjo ya kuzuia makali ya virusi hivyo.