Kenya inafikiria kuondoa VISA kwa wageni

Rais wa Kenya William Ruto amesema kuwa nchi yake inafikiria kuondoa hitaji la viza kwa wageni.

Ruto aliyasema hayo leo wakati akifungua rasmi Mkutano wa Afrika Climate jijini Nairobi. Mkutano huo unahudhuriwa na viongozi mbalimbali kutoka Afrika na nje.

"Kilomita chache kutoka hapa mlipokaa ,Wanasayansi waligundua na kupata mabaki ya mwanzo ya mwanadamu. Kwa maana hiyo hapa ndio ubinadamu ulipoanzia hivyo nawakaribisha nyumbani"

"Ndani ya miezi michache tunafikiria kuondoa mahitaji yote ya viza, maana sio haki kuomba viza wakati mnakuja nyumbani".