Kachero wa DCI azirai na kufariki dunia akiwa bash Kanairo
Kachero huyo alikuwa kwenye sherehe ya kumuaga mwenzake katika mkahawa mmoja Upper HillShiru alikuwa amegonga vichwa vya habari baaada ya kuripoti kuwa kwenye ndoa na maafisa wawili wa ngazi ya chiniMarafiki wake walisema kifo chake kimezua maswali kibao kwa sababu hakuwa mgonjwaAfisa wa DCI katika kituo cha Karen Ann Wanjiru Waiganjo amefariki dunia baaa ya kuzimia alipokuwa katika sherehe ya kumuaga mwenzake.
Kulingana na ripoti ya K24, Wanjiru ambaye anajulikana kama 'Shiru' na marafiki wake alikuwa akihudhuria sherehe ya mwenzake katika eneo la Upper Hill.
Walikuwa kwenye sherehe hiyo Jumamosi Julai 3 na akazirai saa kumi na moja jioni huku marafaiki wake wakimkimbiza katika hospitali ya Nairobi Hospital.
Walipokea taarifa za huzuni baada ya kuarifiwa kuwa kachero huyo alikuwa amefariki dunia na hivyo mwili wake kuwekwa katika chumba cha kuhifadhia maiti.
Ripoti ya tukio hilo ilisema sherehe hiyo ya kumuaga mwenzake ilikuwa ikifanyika katika hoteli ya Baita.
"Leo Julai 3, 2021 masaa ya 1739 afisa aliyekuwa katika zamu katika Capitol Hill alipokea ripoti kutoka kwa SCCIO Langata, Abdirashid Yakub, kuwa afisa nambari 235389 CI (w) Ann Wanjiru Waiganjo ambaye ni kachero mkuu Karen alizirai akiwa katika mkahawa wa Baita mtaani Upper Hill,” ripoti hiyo ilisema.
Kisa hicho kimetokea miezi michache tu baada ya kachero huyo kugonga vyombo vya habari kutokana na kesi yake mahakamani.
Ripoti zilikua zimeibuka kuwa alikuwa amewaoa maafisa wawili wa ngazi ya chini kwenye kikosi cha DCI.
Hata hivyo, baadaye alipuuzilia madai hayo akisema ndoa yake na afisa mmoja ilikuwa tayari imevunjika na kumalizwa kisheria.
Wanjiru ni dadake Joshua Waiganjo aliyekuwa ameandamwa na kesi za kuwa afisa feki wa polisi aliyepenya kwenye kikosi hicho na kuwapa uhamisho hadi maafisa wakuu kama vile OCPD.
Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.
Tazama Video Kemkem za Kusisimua Kutoka hapa TUKO.co.ke