Jamaa asukumwa kortini kwa kuiba chupi zenye thamani ya KSh200k

- Mwanamume huyo alikamatwa na kushtakiwa na wizi wa soksi, 'lingerie', majoho na pajama zenye thamani ya KSh 200,000

- Caleb Onyango Otieno aliiba nguo hizo kutoka kwa Lilian Mwangi ambaye ni mmiliki wa Sasa Mall, iliyoko kwenye barabara ya Moi Avenue jijini Nairobi

- Vitu hivyo ni ikiwemo Vipande 48 vya nguo za ndani, vipande 36 vya soksi, vipande 36 vya pajama, vipande 22 vya majoho vya pamba na vipande sita vya majoho ya hariri

Mwanamume mmoja kutoka Nairobi alishtakiwa katika Mahakama ya Milimani Jumanne, Mei 25, na wizi wa nguo za ndani za wanawake kutoka kwa duka moja jijini Nairobi.

Caleb Onyango Otieno anashtumiwa kuiba nguo hizo zenye thamani ya KSh200k kutoka kwa Lilian Mwangi.

Vitu hivyo ni ikiwemo Vipande 48 vya nguo za ndani, vipande 36 vya soksi, vipande 36 vya pajama, vipande 22 vya majoho vya pamba na vipande sita vya majoho ya hariri.

Onyango anadaiwa kutenda uhalifu huo mnamo Machi 26, 2021, mwendo wa saa tisa alasiri katika duka la Sasa Mall, iliyoko kwenye barabara ya Moi Avenue jijini Nairobi.

Hata hivyo, alikanusha mashtaka hayo mbele ya Hakimu Mkuu wa Milimani Martha Nanzushi na kuomba kuachuliwa kwa bondi isiyokuwa na masharti magumu.

Alihoji kwamba anatoka katika familia maskini na aliwachiliwa kwa dhamana ya KSh 50,000 ama bondi ya KSh 100,000.

Kesi hiyo itatajwa tena Juni 4, 2021

Visa vya wanaume kuiba chupi za wanawake vimekuwa vikienea.

Mnamo Novemba 2018, Evans Kobiero Sewe alifikishwa katika Mhakama ya Milliam kwa kuiba chupi zenye thamani ya KSh 480 na KSh 450 kutoka kwa Duka Kuu la Tuskys tawi la Imara.

Pia alishtumiwa kuiba suti yenye thamani ya KSh 8,495 na viatu vya KSh 3,995, shati, tai, soksi na vesti . Jumla ya mali hiyo yote ilikuwa yenye thamani ya KSh 17,810.

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.