Jaji Said Chitembwe amwaga machozi akililia kiti cha David Maraga
- Huku akikumbuka kesi ya ufisadi iliyokuwa inamkabili mwaka 2009, Jaji Chitembwe alishindwa kuzuia hisia zake
- Alisema majaji wanatakiwa kutathmini endapo kesi inayowasilishwa mbele yao ni kweli ama uvumi
- Chitembwe alilazimika kuzima kipaza sauti yake huku akizidiwa na hisia kwa dakika kadhaa
Mchakato wa kumsaka atakayekuwa jaji mkuu ulianza Jumatatu, Aprili 12, na kioja baada ya mwaniaji wa kwanza Jaji Said Chitembwe kumwaga machozi akijibu maswali ya jopo.
Chitembwe ni miongoni mwa waaniaji 10 wanaomezea mate kiti cha Jaji Mkuu baada ya David Maraga kustaafu.
Wakati wa mahojiano hayo ya Jumatatu, aliulizwa na Tume ya Huduma ya Mahakama (JSC) kuhusu kesi ya ufisadi iliyokuwa inamkabili 2009 na alishindwa kuzuia hisia zake akikumbuka.
Jaji huyo alishtakiwa na utumizi mbaya wa mamlaka wakati alikuwa akihudumu kama Katibu wa Hazina ya Malipo ya Uzeeni (NSSF). Madai ambayo alikanusha.
Akizungumza kuhusu kesi hiyo, Chitembwe alisema majaji wanatakiwa kutathmini endapo kesi inayowasilishwa mbele yao ni kweli ama uvumi
"Endapo mshtakiwa anakuja mbele yako, msikilize," alisema huku akitokwa machozi.
Chitembwe alilazimika kuzima kipaza sauti yake huku akizidiwa na hisia kwa dakika kadhaa.
Jaji huyo pia alitetea uamuzi wake wa awali katika kesi ya ubakaji ambapo alimuachilia huru mwanamume aliyekuwa akitumikia kifungo cha miaka 20 jela kwa kumnajisi msichana wa miaka 13.
"Sio eti naunga mkono kupunguzwa kwa miaka ya kushiriki ngono. Umri hata si tatizo lakini hatua ya sheia. Sheria ndio inawaongoza watu, na tunaitekeleza wa njia gani?" alisema.
Chitembwe alikuwa mwaniaji wa kwanza kuhojiwa na jopo hilo Aprili 23.
Waaniaji wengine ni ikiwemo Patricia Mbote, Jaji Martha Koome, Jaji Marete Njagi, Philip Murgor, Jaji Matthews Nduma, Wakili Fredrick Ngatia, Jaji William Ouko Wekesa Moni, na Ms Alice Y.
READ ENGLISH VERSION
Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.