Huyu ndiye Hassana Athuman Hassan, aliyemsababisha Uhuru kusitisha hotuba yake

Rais Uhuru Kenyatta alikuwa jijini Dodoma, Tanzania mnamo Jumatatu, Machi 22, 2021 kuhudhuria shughuli ya Kitaifa ya kuuaga mwili wa hayati Dkt. John Magufuli.

Wakati alipokuwa akitoa hotuba yake ya salamu za pole katika Uwanja wa Jamhuri Jijini Dodoma, kulitokea tukio ambalo lilimfanya kuzungumziwa sana ndani na nje ya Tanzania. Watu walizungumza katika vyombo vya habari na hata mitandaoni.

Pia Soma: Huyu Ndiye Mume wa Rais wa Tanzania Samia Suluhu Hassan, Hafidh Ameir

Tukio hilo lilikuwa ni kusimamisha hotuba aliyokuwa akitoa mbele ya maelfu ya raia na viongozi wa nchi mbalimbali wakati aliposikia wito wa Adhana kutoka Msikiti wa karibu.

Mwanafunzi Hassana Athuman Hassan wa Chuo cha Daarul Maarf cha Jijini Dodoma ndiye aliyesababisha tukio hilo la ajabu lililomfanya Uhuru kulazimika kusitisha hotuba yake katika hali isiyotarajiwa.

https://kiswahili.tuko.co.ke/406565-buriani-magufuli-uhuru-apongezwa-kusimamisha-hotuba-ya-salamu-za-pole-kupisha-wito-wa-swala.html

Pia Soma: Buriani Magufuli: Uhuru Apongezwa Kusimamisha Hotuba ya Salamu za Pole Kupisha Wito wa Swala

Hassan alikuwa akitoa Adhana hiyo mchana katika Msikiti wa Gaddafi Dodoma, msikiti jirani na ulipo Uwanja wa Jamhuri na aliposikia wito wake, rais alisitisha hotuba kwa heshima.

Ikizingatiwa Rais Uhuru ni Mkristo, tukio hilo ambalo kiimani lina uzito mkubwa kwa dini ya Kiislamu liliwafanya watu hasa umma wa Kiislamu kuliwazia kwa mapana na marefu.

HeshimaViongozi wa kidini wakiongozwa na Katibu Mipango wa Baraza la Maimamu na Wahubiri wa Kenya Sheikh Mohammed Khalifa alisema kiongozi wa taifa alionyesha heshima kubwa kwa waumini wa Kiislamu.

Pia Soma: Kutana na Mke, Watoto na Wajukuu wa Mukhisa Kituyi Ambaye ni Mgombea Urais 2022

“Tunamshukuru Rais Kenyatta kwa kuiwakilisha Kenya nchini Tanzania. Ameonyesha uenyekiti wa Jumuiya ya Afrika Mashariki, upendo, umoja na msaada. Hubagui. Ameonyesha heshima yake kwa Waislamu. Ni ukweli Bw Kenyatta anamjua Mungu na anaheshimu madhehebu yote. Anawajali Waislamu na waaminifu. Ameonyesha kuheshimu dini,” Sheikh Khalifa alisema.

Wakati wa uhai wake, Hayati Magufuli alikuwa ni mpenda dini mno na kila mara alikuwa akiwakumbusha na kuwasisitizia Watanzania juu ya kumuomba na kumtumainia Mungu.

Uhuru ghafla alikaa kimya dakika moja ambapo kabla ya kufanya hivyo alitamka neno "Mwito" hali hiyo ikitafisiriwa kuonyesha jinsi gani dini zinavyoheshimiwa.

Pia Soma: Historia Fupi ya Rais Aliyeitikisa Tanzania Hayati John Pombe Magufuli

Imeelezwa katika sheria za Kiislamu kuwa, inaposikika sauti hiyo yafaa Muislamu kufuatisha maneno ya muadhini au ikiwa mtu hawezi kuyatamka na kufuatisha ni bora kubaki kimya.

Adhana ni neno litokanalo na lugha ya Kiarabu kwa maana ya "Tangazo au Wito", ni sauti inayotolewa hasa kwa ajili ya wito wa Swala. Sauti hiyo ina maana ya kuwaita Waislamu kwenda kumlingania Mungu wao Mtukufu.

Wito wa Adhana hutolewa nyakati tofauti Alfajiri, Adhuhuri, Alasiri, Magharibi, na Usiku.

Mwandishi ni Ali Hassan Kauleni, Kaunti ya Nairobi

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.