DP Ruto, Oparanya wafanya kikao saa tisa na kuibua maswali

- William Ruto ambaye ameelekeza macho yake kwenye urais, alikuwa ameandamana na mawaziri wa zamani Rashid Echesa (Michezo) na Mwangi Kiunjuri (Kilimo)

- Mbunge wa Narok Magharibi Gabriel Tongoyo pia alikuwepo kwenye mazungumzo ya siri ambayo yaliripotiwa kufanywa katika shamba la Kilgoris lake DP

- Gavana Oparanya alikuwa ametangaza nia ya kupeperusha bendera ya ODM katika uchaguzi wa urais wa 2022 pamoja na gavana wa Mombasa Hassan Joho

Naibu Rais William Ruto alifanya mkutano wa saa tisa na gavana wa Kakamega Wycliffe Oparanya Alhamisi, Aprili 8, katika kaunti ya Narok na kuibua maswali chungu nzima.

Ruto ambaye ameelekeza macho yake kwenye urais, alikuwa ameandamana na mawaziri wa zamani Rashid Echesa (Michezo) na Mwangi Kiunjuri (Kilimo).

Mbunge wa Narok Magharibi Gabriel Tongoyo pia alikuwepo kwenye mazungumzo ya siri ambayo yaliripotiwa kufanywa katika shamba la Ruto huko Kilgoris.

Kulingana na The Standard, mkutano huo ulianza wakati wa chakula cha mchana na uliendelea hadi usiku na kuwalazimu wanasiasa kulala huko Olare, Motorogi Conservancy, Maasai Mara.

Duru zuiliarifu chapisho hili kwamba Oparanya, naibu kiongozi wa chama cha Orange Democratic Movement (ODM), hakufurahishwa na uongozi wa juu chamani humo.

Mwenyekiti huyo wa zamani wa Baraza la Magavana hivi karibuni alitengwa na kiongozi wa chama chake Raila Odinga wakati aliitisha mkutano katika Hoteli ya Serena kwa nia ya kuunda muungano mpya wa chama hicho.

Daily Nation, hata hivyo, ikimnukuu Oparanya, ilisema Ruto alipendekeza muungano kati ya ODM na chama cha United Democratic Alliance (UDA) kinachohusishwa na naibu rais.

"Ulikuwa mkutano wa kifursa tu,kama mwanasiasa DP alikuwa akuliza ikiwa tunaweza kufanya kazi pamoja. Nilimwambia uamuzi kama huo unapaswa kufanywa na chama (ODM)," Oparanya alifunua.

Oparanya alikuwa ametangaza nia yake ya kupeperusha bendera ya ODM katika uchaguzi wa urais wa 2022 pamoja na gavana wa Mombasa Hassan Joho.

Hivi majuzi, gavana huyo alitofautiana na Raila kuhusiana na utekelezwaji wa mpango wa maridhiano (BBI).

Oparanya Jumanne, Machi 30, alisema haitawezekana kufanya kura ya maoni ya kurekebisha katiba wakati wa janga la COVID-19 ambalo limeathiri uchumi wa nchi.

Read ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.