DCI yasema Lawrence Warunge aliyewauwa watu 5 wa familia yake ana akili timamu

- Ripoti ya daktari imeonyesha kwamba Lawrencee Warunge, mshukiwa mkuu wa mauaji ya watu 5 wa familia yake ana akili timamu

- Warunge anatarajiwa kufikishwa mahakamani Jumatano, Aprili 14 kujibu mashtaka ya mauaji dhidi yake

- Awali mahakama iliambiwa kwamba mshukiwa alikuwa na matatizo ya kiakili na kwa hivyo alikuwa akipokea matibabu

- Kikao cha kusikizwa kwa kesi yake kiliahirishwa kufuatia kukaguliwa kiakili na madaktari katika hospitali ya Mathari

Ripoti ya daktari kutoka katika hospitali ya akili ya Mathari imeonyesha kwamba Lawrence Warunge, 22, ambaye anashtumiwa kwa kuwauwa watu 5 wa familia yake ana akili timamu.

Warunge ambaye ni mwanafunzi wa chuo kikuu, alikiri mbele ya mahakama kuwauwa wazazi wake, kakake mdogo wa miaka 12, binamu wake na mfanyakazi wao mwezi Januari mwaka huu.

Mahakama ilikuwa imeelezwa awali kwamba mshukiwa alikuwa na matatizo ya kiakili na alikuwa akipokea matibabu.

Kikao cha kusikizwa kwa kesi yake kiliahirishwa ili afanyiwe ukaguzi wa kiakili kubaini iwapo anaweza kujibu mashtaka dhidi yake.

Kupitia arifa ya idara ya DCI kwenye mtandao wa Twitter Jumanne, Aprili 13, mshukiwa sasa yuko timamu kuyajibu mashtaka.

" Warunge aliambia mahakama kwamba alivutiwa na filamu moja maarufu 'Killing Eve' ambayo ilimpea ujuzi wa kuwauwa watu hao 5 wa familia yake. Warunge atafikishwa mbele ya mahakama ya Kiambu kujibu mashtaka," DCI Ilisema.

Warunge alisema alitekeleza mauaji hayo kwa sababu alihisi kwamba familia yake ilikuwa imemtenga na haikumpenda.

Read: ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.

Tazama habari zaidi kutoka TUKO.co.ke