Corona yaleta kizaazaa kwa watoto wa kike

UTAFITI uliofanywa na Wizara ya Kazi, Jinsia na Maendeleo ya Jamii imebaini kuwa watoto wa kike takribani 4,300 wamepata mimba katika miezi minne ya mazuio ya mlipuko wa ugonjwa wa covid-19.

Waziri anayeshughulikia masuala ya Vijana na Watoto, Florence Nakiwala Kiyingi, alisema matukio mengi ya mimba yalitokea Machi, Aprili, Mei na Juni. Hata hivyo, alisema matukio yaliyoripotiwa ni machache.

Alisema serikali haiwezi kufikia kaya zote lakini wazazi ambao ndiyo walezi wakuu wanapaswa kuwa makini katika matukio ya unajisi na ubakaji yanayofanya na wanajamii.

Nakiwala alifafanua kuwa wameanzisha jukwaa la kutumia simu za mkononi lililopewa jina la “salama-rafiki” ambalo litatumiwa na waathiriwa kutoa taarifa na ushahidi wanaponyanyaswa kingono.

“Tulikuja na mpango huu kwa sababu waathirika wamekuwa wakikabiliwa na changamoto kama vile kusafirisha hadi vituo vya polisi ili kupata haki zao,”alisema.