Chama cha UDA chalalamikia vitisho katika uchaguzi wa Kiambaa

Katibu Mkuu wa UDA Veronica Maina alisema mawakala wao na wapiga kura wametishiwa wa watu wasiojulikana wanaoaminika kuwa na silahaMaina alidai kwamba watu hao walitumwa na Jubilee kuwahangaishaUpigaji wa kura ulifungwa ilipofika saa kumi na moja huku maafisa wa Tume huru ya mipaka na uchaguzi nchini IEBC wakianza kuhesabu kuraChama cha United Democratic Alliance kimelalamikia vitisho wakati kura za uchaguzi mdogo wa Kiambaa zikianza kuhesabiwa

Katika taarifa ya Alhamisi, Juali 15 Katibu Mkuu wa UDA Veronica Maina alisema mawakala wao na wapiga kura wametishiwa wa watu wasiojulikana wanaoaminika kuwa na silaha.

Maina alidai kwamba watu hao walitumwa na Jubilee kuwahangaisha.

"Kuna watu yapata 15 wasiojulikana ambao wamejihami wanaoaminika wametumwa na Jubilee katia kila kituo cha kupiga kura kutatiza zoezi hilo na pia lile la kuhesabu kura," Maina alisema.

Kwenye barua aliyoituma kwa IEBC, Maina alitaka tume hiyo kuingilia kati na kuwapa ulinzi mawakala wake, wapiga kura na wanaosimamia shughuli nzima ya kupiga kura katika vituo.

Read also

Kiambaa: Idadi Ndogo ya Wapiga Kura Yajitokeza Kwenye Uchaguzi Mdogo

"Tunatarajia maafisa wa usalama kuwatimua watu hao na kuwazuia kuingia katika vituo vya kupiga kura ama eneo la kuhesabia kura," alidokeza.

Upigaji wa kura ulifungwa ilipofika saa kumi na moja huku maafisa wa Tume huru ya mipaka na uchaguzi nchini IEBC wakianza kuhesabu kura.

Uchaguzi huo ulishuhudia chini ya asilimia 30 ya wapiga kura ambao wamejisajili katika vituo 154.

IEBC ilisema matokeo yatajumuishwa katika shule ya upili ya Karuri ambapo ndio kituo kikuu cha tume hiyo katika uchaguzi huo mdogo.

Kufikia wakati wa kuchapisha taarifa hii, ilikuwa wazi kuwa farasi ni wawili kati ya Wanjiku Njuguna wa UDA na Kariri Njama wa Jubilee.

Ni uchaguzi ambao ulikumbwa na sarakasi za kila iana zikiwemo ripoti za utoaji wa hongo kwa wapiga kura na kuwepo njama za kuiba kura.

Tume ya Uchaguzi na Mipaka (IEBC) ililazimika kukanusha madai ya kufanikisha wizi wa kura katika uchaguzi huo kufuatia madai yaliyotolewa na Mbunge wa Gatundu Kusini Moses Kuria.

Read also

Uchaguzi Kiambaa: IEBC Yakanusha Madai ya Kufanikisha Wizi wa Kura

Katika taarifa yake ya Alhamisi, Julai 15 tume hiyo ilisema madai ya Kuria kwamba maafisa wengine wamehepa na kuelekea katika eneo la shamba la Valentine Growers kupiga kura ni ya uwongo.

"Hili ni gari la IEBC ambalo linatumiwa na maafisa wa tume kuzunguka katika vituo mbali mbali kutathmini hali na kutatua changamoto zozote za kiufundi wakati wa zoezi la kupiga kura. Taarifa yake Moses Kuria ni madai yasiyo na msingi wowote na ni ya uwongo," IEBC ilisema.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.

Tazama Video Kemkem za Kusisimua Kutoka hapa TUKO.co.ke.