Boby Wine arudisha fomu urais

Msanii Robert Kyagulanyi maarufu kama ‘Bob Wine’ muda mfupi uliopita amewasili katika kituo cha uteuzi kurudisha fomu ya kugombea urais huko Kyambogo jijini Kampala nchini Uganda.

Ilibidi polisi watawanye watu kwa mabomu ya machozi kuwatawanya wafuasi wa mwanasiasa huyo waliojitokezaa kumuunga mkono siku ya uteuzi.

Hadi sasa, wagombea 10 tayari wanawania nafasi hiyo ya juu katika taifa hilo wakiwemo kamanda wa zamani wa jeshi Jenerali Mugisha Muntu na aliyekuwa Waziri wa Usalama Jenerali Henry Tumukunde.

Wakati huo huo mmoja wa mgombea urais Patrick Amuriat kutoka chama cha 'Forum for Democratic Change' (FDC) anashikiliwa na polisi jijini kampala mara baada ya kukaidi amri ya idadi ya watu wanaotakiwa kumsindikiza wakati wa kurudisha fomu ya uteuzi.