Binti wa William Ruto akana kutumia fedha za umma kwa matumizi binafsi

Ametoa kauli hiyo baada ya kuibuka kwa maneno mengi mitandaoni kuwa taasisi yake binafsi inatumia fedha za umma kuendesha shughuli zake mbalimbali.

Tangu kuapishwa kwa baba yake, Septemba 2022 kuwa Rais wa Kenya, Charlene Ruto amekuwa akikutana na viongozi kote Nchini na kuhudhuria makongamano ya kimataifa na viongozi wa kigeni, hivyo watu kuhoji kuhusu bajeti ya fedha zinazotumika kumfadhili.

Amesema "Ofisi yetu ni ya binafsi, hakuna uhusiano na ofisi ya kikatiba na hatumii fedha za walipakodi wa Kenya.

Baadhi ya watu wamembatiza jina Ivanka Trump wakimfananisha na binti huyo wa Rais wa zamani wa Marekani, Donald Trump ambaye naye alipata shutuma kama hizo wakati baba yake akiwa madarakani.