Babu (75) aachiwa baada ya kutumikia jela miaka 33 kimakosa

Mzee mmoja mwenye umri wa miaka 75 aliyefahamika kwa jina Tetteh ameachiliwa huru baada ya kufungwa kimakosa kwa miaka 33 jela kufutia kesi ya mauaji.

Mzee huyo na jamaa mwingine walitajwa na mshukiwa aliyehuika katika kesi hiyo ambapo ilidaiwa kuwa wawili hao walishirikiana naye.

Muuaji, Tengey, alimshutumu Tetteh kwa kuwa mshirika wake huku umati ukimtandika (Tengey) ili amtaje mwenzao kabla ya kumwachia baadaye.

Tengey pia alimtaja Gruma, mshiriki mwingine, wakati akivamiwa kwa kichapo. Tetteh na Gruma, hata hivyo, walisisitiza kwamba kamwe hawakushirikiana na mshukiwa huyo.

Tetteh na Gruma bado walihukumiwa kifo na Tengey baada ya uchunguzi wa polisi kukamilika. Gruma, hata hivyo, alikata roho kutokana na mshtuko baada ya kukaa gerezani kwa miezi mitatu.

Katika mahojiano, Tengey alikiri kwamba washirika wake hawakujua chochote kuhusu mauaji hayo.

Mfungwa huyo alikaa katika mahojiano na Tetteh ambaye alimtuhumu kwa uwongo, akisema aliwataja kwa makusudi na marehemu Gruma kwa matumaini kwamba hataadhibiwa kwa kupigwa huku akimsihi Tetteh amsamehe.

Baada ya Tengey kukiri kosa lake, Tetteh aliachiliwa kutoka gerezani baada ya kuishi kwa jela kwa miaka 33. Tetteh hivi majuzi aliketi kwa mahojiano na Ibrahim Oppong Kwarteng ili kusimulia hadithi yake huku akitokwa na machozi.