Askari wajifanya wanahabari, wakamata waanadamanaji Kenya

Kupitia taarifa iliyotolewa na Baraza la Habari Kenya (MCK) imeeleza kuwa kitendo hicho kilichofanywa na baadhi ya Maafisa wa Usalama kimewaweka hatarini Waandishi wa Habari na kazi zao.

Katika video iliyonaswa katika Maandamano ya Julai 19, 2023, imeonesha Afisa wa Polisi aliyejifanya kuwa raia na kusimama pembeni ya Mwandishi wa Habari, alijtokeza kwa kasi na kumkamata raia aliyekuwa kwenye Maandamano.

Katiba ya Kenya katika Ibara za 33, 34 na 35 na Vifungu vyake vinalinda na kutetea Uhuru wa Kujieleza na Uhuru wa Vyombo vya Habari na Uhuru wa Kupata Taarifa.