Askari wa Congo auawa Rwanda

Jeshi la Rwanda limesema kuwa Mwanajeshi wa Jamhuri ya Kidemokrasia ya Congo aliyebeba bunduki aina ya AK-47 amevuka mpaka na kuingia Rwanda kisha akaanza kuwafyatulia risasi Polisi wa Rwanda, kabla ya Mwanajeshi huyo kupigwa risasi na kuuawa.

Tangazo hilo limesema Polisi wawili wa Rwanda walijeruhiwa katika shambulizi hilo lililotokea kwenye kivuko kidogo cha mpakani kijulikanacho kama Petite Barriere.

Msemaji wa Serikali ya Congo amethibitisha tukio hilo lakini hakutoa maelezo zaidi.

Wakati huohuo duru kutoka mashariki mwa Congo zimearifu kuwa Waasi wa M23 wameudhibiti mji mwingine wa Tshengerero ulio mashariki mwa Bunagan ambao ni mji wa kimkakati kwenye mpaka kati ya Congo na Uganda, ambao uliangukia mikononi mwa M23 mapema wiki hii.