Aliyekuwa seneta maalum wa ODM afariki akiwa ICU

Kaunti ya Kakamega inaomboleza kifo cha mwakilishi wadi Godliver Omondi.

Akithibitisha kifo chake, Naibu Gavana wa Kakamega Ayub Savula katika taarifa siku ya Jumatatu alisema kuwa Omondi alifariki katika Hospitali ya Agha Khan mjini Kisumu baada ya kuugua kwa muda mfupi.

“Alilazwa katika kitengo cha ICU siku ya Jumamosi baada ya kusumbuliwa na shinikizo la damu na kisukari lakini alifariki dunia leo (Jumatatu) saa 12 jioni,” alisema.

Mbunge huyo alikuwa akihudumu muhula wake wa pili baada ya kuteuliwa katika chama cha Orange Democratic Movement katika Bunge la Tatu kufuatia uchaguzi mkuu wa 2022.

Omondi alihudumu kwa muhula wake wa kwanza katika Bunge la Pili (2017-2022) kama MCAS aliyechaguliwa katika Chama cha Amani National Congress (ANC) akiwakilisha watu wa Wadi ya Kholera katika kaunti ndogo ya Matungu.

Pia alihudumu kama seneta kuanzia 2013-17 akiwakilisha Watu Wenye Ulemavu (PWDs) baada ya kuteuliwa na ODM.

Naibu Gavana Savula alimsifu MCA huyo kama mwakilishi aliyehudumu kwa bidii na kujitolea.

"Mhe Omondi alikuwa mwanachama mkuu wa uongozi wa Bunge ambapo alihudumu kama naibu kiongozi wa wachache kati ya 2017-2020. Atakumbukwa kama mmoja wa MCAs waanzilishi wa vuguvugu la Walemavu la Bunge," alisema.

Hadi kifo chake, Omondi alikuwa akihudumu kama mwanachama wa kamati kadhaa ikiwa ni pamoja na Uhusiano, mwenyekiti wa Kamati ya Uteuzi, Bajeti na Kamati za Utumishi, Huduma za Jamii, Vijana, Utamaduni na Michezo.

Savula alituma rambirambi kwa familia ya marehemu MCA.

"Kwa niaba ya Bunge la Kaunti ya Kakamega, tunaomboleza mwenzetu aliyeaga na kutuma ujumbe wa rambirambi kwa familia ya marehemu Mhe. Omondi, Tunaomba Mungu aipe familia Nguvu na Ujasiri wakati huu wa majonzi na kuomboleza," alisema.