Aliyehusishwa na shambulio la Chuo Kikuu aachiwa kwa dhamana

Mahakama ya Nairobi imetoa dhamana ya Ksh 300,000 pesa taslimu kwa Abdi Yusuf, ambaye upande wa mashtaka unadai anahusishwa na mpangaji mkuu wa shambulio la Garissa Mohamed Kuno almaarufu Gamadhere.

Katika uamuzi wake siku ya Alhamisi, Hakimu Agnes Mwangi alisema kuwa madai hayo hayajathibitishwa na kumnyima mshtakiwa dhamana itakuwa si haki.

"Itakuwa sio haki kwa mahakama kuchukua hatua juu ya habari kama hiyo ambaye ana haki ya kuhesabiwa kuwa hana hatia hadi atakapopatikana na hatia. Sioni uhalali katika hoja hiyo,” mahakama ilisema.

Katika kesi hiyo Abdi Yusuf ameshtakiwa kwa kupata kitambulisho cha Taifa kwa kujifanya mtoto wa Ralia Mohammed Wardere almaarufu Iron Lady jambo ambalo alijua kuwa si kweli.

Mahakama ilibainisha kuwa madai kwamba yeye ni Raia wa Somalia hayajathibitishwa, na kuongeza kuwa bado ni madai.

Pia anakabiliwa na shtaka jingine la kughushi kitambulisho hicho na kuwa nchini kinyume cha sheria.

Pia alikanusha shtaka jingine la kutamka kitambulisho hicho kuwa halisi.

Afisa Mpelelezi katika kesi ya kutaka mshtakiwa kunyimwa dhamana alidai kuwa alitumia kitambulisho cha Abdi Yusuf Ali kaka wa Mohammed Kuno almaarufu Sheikh Mahamud almaarufu Gamadhere, anayedaiwa kuwa ndiye mpangaji mkuu wa shambulio la Chuo Kikuu cha Garissa. .

Awali mshitakiwa huyo alisomewa shtaka la kujipatia shilingi milioni 5.6 kutoka kwa Mfanyabiashara Hassan Ali Hassa kwa kujidanganya kuwa ana uwezo wa kuagiza kutoka nje ya nchi vipodozi vya aina mbalimbali, Nutella, Chokoleti na aptamill kutoka Ulaya jambo alilolijua kuwa ni uongo.

Yuko nje kwa dhamana ya pesa taslimu Ksh. 300,000 na kesi itatajwa Oktoba 12.