Al-Shabab yalipua 'ghala la dawa' pembezoni mwa mji mkuu wa Somalia

Al-Shabab imedai kulilipua "ghala la kuhifadhia dawa" nje kidogo ya mji wa Mogadishu, siku chache baada ya kuonya kuhusu operesheni inayokaribia dhidi ya wafanyabiashara wa dawa za kulevya katika mji mkuu wa Somalia.

Kikundi hicho kilisema kituo hicho katika eneo la Lafole eneo la Lower Shabelle kilitumiwa na "wafanyabiashara wa dawa za kulevya" kuhifadhi aina mbalimbali za dawa za kulevya.

Radio Andalus, kituo cha al-Shabab, kilisema tarehe 26 Februari kwamba kundi hilo pia lilimuua muuza mirungi katika eneo hilo, bila kutoa maelezo zaidi.

Mnamo tarehe 23 Februari, msemaji wa al-Shabab Abdiasis Abu Mus'ab aliiambia tovuti za habari kuhusu hatua iliyopangwa dhidi ya "wafanyabiashara na waagizaji wa dawa za kulevya" kufuatia "malalamiko ya wakazi wa Mogadishu."

Waangalizi wanasema kuwa kuwalenga wafanyabiashara wa dawa za kulevya, al-Shabab inatafuta kuungwa mkono na wakazi wa Mogadishu ambao kwa muda mrefu wamelalamikia ghasia za magenge yanayochochewa na dawa za kulevya katika mji huo