Akaunti ya Benki Kuu Zambia yadukuliwa

Kwa mujibu wa taarifa ya Mkurugenzi wa Mawasiliano wa (BoZ) aliyethibitisha kudukuliwa kwa akaunti hiyo, amewataka Wananchi kutojibu ujumbe wowote utakaotumwa kutoka kwenye akaunti hiyo hadi hapo Umma utakapoarifiwa kurejeshwa kwake.

BoZ imesema "Tunasikitika kuufahamisha umma kuhusu tukio la Udukuzi wa Mtandao ulioathiri ukurasa wa Facebook wa Benki Kuu. Tunafanya uhakiki wa kina kwa kushirikiana na vyombo vya sheria ili kuhakikisha kuwa sauala hili linashughulikiwa."

Hata hivyo, Serikali imewahakikishia wananchi kuwa tukio hilo haliathiri Ulinzi na Usalama wa Taarifa Binfasi za Fedha za Wateja kwa sababu mifumo mikuu ya Benki Kuu haijadukuliwa na iko salama.