Ajali ya Treni
TRENI ya abiria iliyopata ajali jana Aprili 18, karibu na mji mkuu wa Misri, Cairo, imeuwa watu 11 na kujeruhi wengine 98, kwa mujibu wa wizara ya afya ya nchi hiyo.
Mamlaka ya reli ya Misri inasema treni hiyo iliyokuwa na mabehewa manne ilikuwa ikisafiri kutoka Cairo kuelekea jimbo la Mansoura wakati ilipowacha njia.
Dereva wa treni hiyo pamoja na wasaidizi wake wanane wamekamatwa kwa uchunguzi, kwa mujibu wa gazeti la Al-Shorouk, Misri imekuwa ikishuhudia ajali za mara kwa mara za treni.
Mapema wiki iliyopita, watu 15 walijeruhiwa baada ya treni nyengine kuacha njia katika jimbo la kaskazini la Minya al-Qamh, 26 Machi, treni mbili za abiria ziligongana kusini mwa nchi hiyo na kuuwa watu 19.
Mwezi Februari 2019, ajali ya treni ilisababisha vifo vya watu 31.