Aina Mpya Hatari ya Virusi vya Corona Yagunduliwa Nchini Tanzania

- Virusi hivyo vipya vilivyopewa jina la muda A.VOI.V2, viligunduliwa kwa wasafiri wakiwa safarini kuelekea Angola

- Kulingana na mkurugenzi wa Krisp, Tulio de Oliveira, aina hiyo mpya ni hatari zaidi

- Hata hivyo, Tanzania, bado haijafichua takwimu za virusi hivyo tangu Aprili 2020 na pia hali ya maambukizi haijulikani

Wanasayasi wamegundua aina mpya hatari zaidi ya COVID-19 nchini Tanzania, na kuzua wasiwasi Kenya.

Virusi hivyo vipya vilivyopewa jina la muda A.VOI.V2, viligunduliwa kwa wasafiri wakiwa safarini kuelekea Angola.

Hii itakuwa pigo kubwa katika vita dhidi ya ugonjwa huo hatari kwani inapunguza uwezo wa chanjo kupigana nao na njia yake ya kusambaa.

Kulingana na mkurugenzi wa Krisp, Tulio de Oliveira, aina hiyo mpya ni hatari zaidi na yenye zaidi ya sifa 10.

"Tuliamua kuripoti hii kama aina mpya ya virusi (VOI), kutokana na makali yake na kushinda nguvu kingamwli na uwezo kuongeza ueneaji,” alisema profesa huyo katika ripoti kwa Shirika la Afya Duniani (WHO).

Kulingana na Moses Masika, mtaalam wa virolojia katika Chuo Kikuu cha Nairobi (UoN), huenda tayari virusi hivyo vimetua nchini akisema wataendelea kufuatilia msambao wake.

Hata hivyo, Tanzania, bado haijafichua takwimu za virusi hivyo tangu Aprili 2020 na pia hali ya maambukizi haijulikani.

Aina mpya ya COVID-19 ilitambuliwa Nigeria na Afrika Kusini mnamo Disemba 2020.

Nchini Afrika Kusini, virusi hivyo vilitambuliwa kama 501.V2 ambavyo viligunduliwa na wanasayansi ambao wamekuwa wakifuatilia mizizi ya virusi vya SARS-COV-2.

Virusi hivyo viligunduliwa kwa mara ya kwanza eneo la Nelson Mandela Bay kabla ya kusambaa haraka katika maeneo ya Mashariki na Magharibi mwa Capes na mkoa wa KwaZulu Natal

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.