Afisa wa polisi ashtakiwa kwa kupokea mlungula

Watu watatu kati yao maafisa wawili wa polisi akiwemo mkuu wa Kituo cha usalama katika Shirika la Utangazaji la Kenya (KBC) wameshtakiwa kwa kuitisha rushwa ya Ksh 50,000.

Ripoti ya K24 TV Jumanne, Agosti 3 ilionyesha kuwa watatu hao walichukua rushwa kutoka kwa mfugaji wa ng'ombe, Peter Muhia, baada ya kuwazuia ng'ombe wake wanane.

Watatu hao ni Tirus Ndambuki Musyoka, Kyalo Musyao Nthiwa na Francis Bundi Wilson.

Walifanya kazi kama chifu wa Lukenya, Kamanda wa kituo cha polisi cha Joska na kamanda wa polisi katika kituo cha polisi cha KBC mtawaliwa kabla ya kukamatwa.

Wawili hao, ambao walifika mbele ya Hakimu wa Kupambana na Ufisadi Felix Kombo katika mahakama ya Milimani, walituhumiwa kuzuiliwa kwa ng'ombe hao katika kituo cha polisi cha KBC.

Watatu hao aidha wanakabiliwa na tuhuma zingine tatu zinazohusiana na ufisadi kinyume na sheria za kuwaajiri.

Waliachiliwa kwa dhamana ya pesa taslimu ya Ksh 75,000 au dhamana ya Ksh 500,000 kila mmoja.

Read also

Kumzuia DP Ruto Kwenda Uganda ni Njama ya Uhuru Kukwamia Mamlaka: Aaron Cheruiyot

Haya yanajiri wiki moja baada ya Huduma ya Polisi ya Kitaifa (NPS) kuingilia kati na kuapa kuwaadhibu maafisa watatu wa polisi wa trafiki waliokamatwa kwenye video wakiomba rushwa kutoka kwa waendesha magari.

Mkuu wa Kitengo cha Mambo ya Ndani ya NPS (IAU) Mohammed Amin alibainisha maafisa hao watatu walionaswa kando ya barabara ya Kangundo watakabiliwa na adhabu kali za kuitisha rushwa.

Kanda ya video iliyorekodiwa kwa usiri mkubwa ilitambaa mitandaoni Jumamosi, Julai 24 iliwamulika maafisa wa polisi wakitumua mbinu mpya ya kupokea hongo.

Katika kanda hiyo, maafisa hao wa trafiki walionekana wakiwaamuru madereva wa magari ya umma kusimama na baada ya hapo raia ambao wamesimama kando yao wanaingia ndani ya matatu hiyo kuwachukulia pesa kisha wanashuka.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsApp: 0732482690.

Tazama Video Kemkem za Kusisimua Kutoka hapa TUKO.co.ke.