AU: Mvutano Rwanda, Congo unatia wasiwasi

Mwenyekiti wa Umoja wa Afrika (AU) ambye pia ni Rais wa Senegal Macky Sall, ameeleza "wasiwasi mkubwa" alionao kutokana na kuongezeka kwa mvutano kati ya Jamhuri ya Kidemokrasia ya Congo na jirani yake Rwanda. Rais Sall amezitaka Rwanda na Congo kuwa na utulivu na kutatua mzozo wao kupitia mazungumzo.

Siku ya Jumamosi Rwanda ilisema wanajeshi wake walikuwa wakishikiliwa mateka mashariki mwa Jamhuri ya Kiodemokrasia ya Congo na wanamgambo wa Kihutu wa Rwanda wa FDLR, ambao inasema wanapata uungwaji mkono kutoka kwa serikali ya Kinshasa.

Hapo awali, Congo ilisitisha safari za ndege kuelekea Rwanda na kumwita balozi wa Kigali ikimtuhumu jirani yake kuwaunga mkono waasi wa M23, ambao sasa inawataja rasmi kuwa ni magaidi.

Hadi hivi sasa Congo imepiga maarufu safari za anga kwa shirika la ndege nchini Rwanda katika anga la Kinshasa.