KLABU ya Yanga imepunguza bei ya jezi zake ili kuwapa nafasi mashabiki wake kununua jezi za timu yao kwa bei nafuu zaidi.
Kaui hiyo imetolewa leo Jumatatu, Februari 21, 2022 na Mhamasishaji wa Kalbu ya Yanga, Haji Manara wakati akizungumza na wanahabari jijini Dar.
“Tumetoa punguzo maalum la jezi kwa jumla na rejareja, rejareja sasa ni Tsh. 30,000 jumla ni Tsh. 22, 000, tunataka kuongeza hamasa kwenye viwanja vya mpira tunataka watu wafocus na furaha ndiyo maana tumewaletea punguzo.
“Kwa Statistics Yanga imeuza jezi mara tano ya idadi ya jezi zilizouzwa na vilabu vyote vya ligi kuu kwa msimu huu,” Msemaji wa Klabu ya Yanga.
Akizungumzia mchezo wao ujao dhidi ya Mtibwa Sugar, Manara aesema Kikosi cha Yanga kipo tayari kuwavaa Mtibwa na wanaamini watashinda mechi hiyo mapema kwa kuwa maandalizi yako vizuri kuanzia benchi la ufundi na wachezaji.