Wadhamini waombwa kujitokeza kwenye Riadha

Chama cha Riadha Tanzania (RT), kwa sasa kinaendelea vizuri na mazoezi kuelekea mashindano ya riadha ya kitaifa yatakayofanyika Arusha, Oktoba 8 na 9, mwaka huu.

Licha ya kwamba wanaendelea vizuri bado wana tatizo la kukosa udhamini katika mashindano hayo.

Katibu Mkuu wa RT, Jackson Ndaweka, amesema kuwa wanahitaji kufanya vizuri kwenye hayo mashindano hivyo wadhamani wajitokeze kwa wingi kuwa bega kwa bega nao katika mashindano hayo.

“Mpaka sasa tuna wadhamini wawili tu ambao wameungana na sisi katika michezo ya riadha ambao ni CRDB na Azam TV, hivyo bado wadhamini ni changamoto kubwa kwetu katika kuendeleza riadha na mashindano kwa ujumla.”