TanzaniaWeb
KIUNGO Mshambuliaji wa zamani wa Yanga, Deo Lucas amewaambia Mtibwa Sugar kuwa wanahitaji kupambana kweli kweli kwenye mpambano wao wa Ngao ya Jamii dhidi ya Simba lasivyo wanaweza kujikuta wakipigwa bao za kutosha.
Simba itawavaa Mtibwa Sugar keshokutwa jumamosi kwenye mpambano huo unaotarajiwa kupigwa kwenye uwanja wa Kirumba jijini hapa.
Lucas alisema ili Mtibwa Sugar waweze kupata ushindi katika mpambano huo ni lazima wajituma ipasavyo haswa kwenye safu ya ulinzi ili kuwathibiti washambuliaji wa Simba.
“Labda niwashauri Mtibwa Sugar kuwa wanahitaji sana kujaza viungo wengi pale katikati ili kuizima Simba na pia wanatakiwa kuwa na nidhamu nzuri ya mchezo”alisema Lucas.
Kiungo huyo alikiri kuwa Simba ya sasa imekuwa bora sana hivyo timu yoyote inayokutana nayo ni lazima ijipange ipasavyo lasivyo wanaweza kupigwa bao za kutosha.
Alisema Mtibwa wachezaji wa Mtibwa wanatakiwa kupambana uwanjani kama wanataka kuondoka na ushindi kwenye mchezo huo kwani bila ya kufanya hivyo wanaweza kuondoka kwa aibu kwenye mtanange huo.
“Niseme wazi Simba ya sasa ipo vizuri hivyo kila timu itakayokutana nayo ni lazima ijipange kweli kweli Mtibwa wakiwa na nidhamu ya mchezo kisha wachezaji wakapambana basi wanaweza kuondoka na ushindi zaidi ya hapo sijui”alisema Kiungo huyo.